شوفي حبيبتي ..

أساساً جميع البضائع في أمازون أو علي بابا لا تشحن إلا بالبريد الخاص فيك والموجود في نفس الدولة

مثلاً أمازون ماتشحن لك الا ع البريد الأمريكي الخاص فيك في امريكا فقط
طيب مين يكون همزة الوصل في ذي الحالة ؟؟ واللي يوصل لك بضاعتك للسعوديه مثلاً ؟؟

همزة الوصل هم شركات الشحن المعروفه والمنتشرة فروعها في جميع دول العالم

مثلاً عندك أرامكس عندها خدمة Shop and Ship
واللي يعطونك فيها 14 بريد ل14 دوله حول العالم ..

عندك امريكا يكون لك فيها بريد عملته لك ارامكس .. من أمازون يشحن لك البائع عليه وممكن يكون الشحن مجاني وممكن لا .. يعني تكون الشحنه مدفوعة التكاليف مع الشحن
طيب وصلت شحنتك للبريدك الأمريكي في ذي الحاله تقوم ارامكس وتعطيك رسالة تنبيه ع حسابك في Shop and Ship وتقول لك يا طويلة العمر شحنتك وصلت مكتبنا وراح نشحنها لك للسعوديه بس ادفعي قيمة الشحن الجوي وبالعادة القيمه للشحنه اللي تقل عن كيلو هي 60 ريال تقريباً وتزيد هذه القيمه بزيادة وزن الشحنه ..

وشوفي عاد انتي كل بائع يقوم يشحن لك بنفس الطريقه وبكذا كل مره انتي تدفعي قيمة الشحن الجوي للسعوديه

بتلاقي فلوسك اللي تروح في الشحن خساره
صحيح البضايع حلوه وممتازه بس اللي يكرهك في ذا الشراء طريقة الشحن ..

وللأسف مافيه تجميع للشحنات ع نفس البريد
كل شحنه توصلك في وقت معين وبقيمة شحن مختلفه حسب وزنها ..


اتمنى يكون شرحي وافي وما قرقرت كثير 😊

__________________

(( لا شيء يجعلنا عظماء سوى ألم عظيم ))