مصونات
من فيه بهالدنيا مرتاح ومكتملة له ؟
كلنا عندنا هموم و ندعي ان رب العالمين يفرج عنا
احنا عبيييد ضععععفاء لله .. وهو القوي له الحول والقوة
ادعي رب العالمين
وحتى لو تأخر بالاستجابة " لعل الذي ابطئ عني هو خير لي "
ما كلمج 4 ايام ؟
مصونات .. زوجي خلال اكثر من شهر شفته تقريبا ساعة وحدة مسافر في رحلة عمل
اكلمه بالتيلفون كل بين يوم ويوم ان كثرنا 10 دقايق .. الله يرده سالم غانم
وفيه بنات معلقات لا هم مطلقين ولا متزوجين
وفيه بنات مو متزوجات
رب العالمين له حكمته .. نعترض على تقدير الله ؟
رب العالمين اللي انعم علينا بالنوم والراحة
ونصحى من الصبح بأتم عافيتنا الحمدلله
امنا واهلنا وناس تحبنا حوالينا
ناكل ألذ اكل و غيرنا بحرب و مجاعة
نلبس احسن لبس و غيرنا ينتظر صدقات الناس
نتعطر و غيرنا ما عنده قيمة علبة الماي
نصلي بدون ما نخاف ان احد يحرمنا من صلاتنا
ما نسمع اصوات طلقات ولا صراخ حريم واطفال
نطلع ونروح و نرجع ونمشي على ارجلنا بدون ما ننتظر من يمشي الكرسي المتحرك .. الحمدلله
ايادينا ما فيها اثار المغذيات ولا نقعد على سرير ابيض وحوالينا اجهزة
ننام على أسرة في الوقت اللي وايد نايمين بمخيمات في اي لحظة ممكن يودونهم من بلد لبلد
نتنفس هواء نظيف ..
هل يستحق رب العالمين منا ان نسخط ؟ ونقول له ليييش يا رب للحين ما استجبت دعائنا ؟
الا يستحق رب العباد منا كلمة الحمدلله ؟
الكلام مو بس لج يا مصونات هالكلام اذكر فيه نفسي واذكرج واذكر الناس....

__________________

حاجة الناس إليكم من نعم الله عليكم ، فـ لا تملوا النِعم ☁✨