رد: في شي كبير انكسر داخلي
كل عام وانتم جميعا بخير ..
يا روان ..
1- أنت مبالغة كثير كثير في جفاء تصرفاتك . فما أظن مر علي رد لك يغري الزوج ، كله : ما تبيني طلقني .. ودني بيت أهلي .. ألم أغراضي .. ومثل هذه العبارات الاستفزازية . وكل هذه التصرفات تبين استعلاءك عليه ( النشوز ) .
والرجل أشوفه يحبك لكن هو اللي مكسور شيء في نفسه مو أنت . أظن يبيك تعتذرين له اعتذار حقيقي بحنية واعتراف بالخطأ . بس كيف تعتذرين وأنت عشان دبلة تحسين حياتك مدمرة .. وتنزيلها يعني لك الكثير .. بالله لو أخطأ غير كذا وش بتسوين .. لا تزعلين كذا مو تصرف زوجة تبي تحافظ على بيتها أقولها لك بصراحة . سلامات يا روان .
2- الجماع مسألة نفسية ، فكيف يقرب لك وأنت بهذه الشدة والعنف .. وكيف موضوع الشياكة والنظافة الداخلية خاااااصة إزالة الشعر بشكل تام والعطور وترتيب المكان ونظافته . كل هذا له دور . وطبعا بالاضافة للجمال . إما أذا كان شكلك عادي فالله يعينك يبي لك جهد أكبر .
.. وأنا أقرأ كلماتك أتخيل تعابير وجهك وهي مؤثرة في الموضوع .واقول كثر خيره سفرك .
3- الرجل لا يحب المرأة العنيدة المكابرة وحتى لو جاراها فترة فسيأتي وقت ويمل بل ويكره شوفتة لزوجته .. ويضرب بها هي وحياتها أقرب جدار إذا زودتها .
وكذلك بعضهم يحب من امرأته أن تعتذر له وإذا كان يحبها فالله يعينها يبيها 24 ساعة تعتذر له على اللي تسوى واللي ما تسوى .. مو لإذلالها كما تتصور هي . بس يستمتع بحبيبته وهي قاعدة تعتذر له وبعضهم يعتبرها مقدمة للجماع .. إذا جاءته واعتذرت تحركت دواخله .
4- اختاري لك وقت مناسب بعد تهيأة المكان بحفلة صغيرة لو كاستين شاي في غرفة النوم ، واعتذري له بلطف وإنك حسيت بخطأك وكثر الله خيرك اللي صبرت علي ومن ها الكلام اللين ، وكما قال محب السنة .وبتحصلين إن شاء الله اللي تبين .
5- أنت تبينه يبادر وفي نفسه ترسبات تصرفاتك السابقة ، مع بقائك على استعلائك عليه ..وي ي ي ن ما يصير يا روااان .. ويااااأختي اقولها لك بصراحة إذا استمرت كذا بتطلقين . اتركي عاد ما راح يقربك فهذي أكيد لو تقعدين عنده دهر .
6- أحيانا نزعل من زوجاتنا فيصير مالنا فيها خلق لو تسوي وش ما تسوي .. وبمجرد الاعتذار يطيح اللي بالراس ويحصل مثل ما تريدين .
بالمختصر أنت السبب في مشكلتك وسببها عنادك وجفوتك وإشعاره بأنه لاشيء ... وأنه هو اللي محتاجك مو أنت . اعكسي الأمور وتحصلين اللي تبين إن شاء الله .
ملاحظة :
تصرفاتك بهذا الشكل الجاف وأنت توكم راجعين لبعض خطير جدا عليك .. لأن ممكن يشوف إنك ما تغيرت عن السابق ، فيجي في باله إن ما منك فايدة ولا فيه أمل في إصلاح أخطائك وييأس من إكمال المشوار معك . فاحذري وأنت حرة .
موفقة .
__________________
قال ﷺ ( والذي نفس محمد بيده ما تواد اثنان ففُرق بينهما ؛ إلا بذنب يحدثه أحدهما ) .
التعديل الأخير تم بواسطة ولد الشايب1 ; 14-09-2016 الساعة 12:41 AM