عاااادي يا توووتي

صارت معاي قبل سبع سنوات ..

صديقتي في البكالوريوس بعد ما تخرجنا صارحتني بأمور كثيرة تخصها

مشكلتها أهلها مو ناس متفهمين لحالتها

البنت كانت معانا في البكالوريوس بنت مسترجله .. كنا نشوفها بويه وننصحها ولا تسمع لنا

لين جاء ذاك اليوم اللي تخرجنا فيه والآدميه قربت مني أكثر وصارت تكلمني بالجوال وتفضفض بشغلات صدمتني

أتذكر وقتها ماكنت أنام الليل من الفجعه .. انصدمت .. صارحتني بأمور كثيرة أخجل اني أقولها

البنت شكلاً أنثى صح .. لكن بداخلها شي ثاني .. البنت هرموناتها كلها ذكوريه

يعني لما قلنا عنها مسترجله كنا ظالمينها ... كانت / أو كان يعاني من الداخل ..

اللي حصل اني استعنت بانسانه كبيره دكتورة في مستشفى لها خبرة في هذا المجال.. وصلت لأهلها ووضحت لهم الوضع بالكامل

والحمدلله تحولت صديقتي لولد والحين عايش حياته ..

وعلاقتنا انتهت بمساعدتي لها فقط ..

قريت موضوعك وابتسمت ورجعت لسبع سنوات للخلف وتذكرت موقفي من صديقتي ولما كنت أبكي من الفجعه وضحكت على نفسي ..

الحمدلله ولله في خلقه شؤون .. اعتقد ارتاحت أو ارتاح من العذاب والصراع اللي كان فيه ..

__________________

(( لا شيء يجعلنا عظماء سوى ألم عظيم ))