منتدى عالم الأسرة والمجتمع - عرض مشاركة واحدة

11-09-2016, 09:57 AM

#2401

مهره

عضو المنتدى الفخري

تاريخ التسجيل: Aug 2003

المشاركات: 17,491

رد: كوفي تجمع الصبايا 4

صباح الرضا والسعادة يا سكاكر.

.
.
.
خدامتي سافرت البارحة بحفظ الله.

قبل ما تطلع بحوالي ساعة وبناتي عندها في غرفتها يسولفن معاها .. ولما صار وقت طلعتها للمطار كل وحدة تبا تساعدها وتشيل معاها أغراضها.

وأول ما راحت بناتي عملن مناحة .. وزعل وصياح: (ماما لا تخلينها تروح)

وبعدها بشوي طلبن مني أتصل بها عشان يكلمنها .. وكل وحدة تكلمها وتصيح وتقول لها: come back

عورن قلبي صراحة.

بس اليوم الصبح أول ما مهرة نشّت سألتني: ماما متى بانظف البيت معاج؟

وشما يتني تقول لي: ماما غمضي عينج وتعالي معاي .. وسحبتني معاها لين غرفتهن .. ولقيتها مرتبة سريرها بروحها.

وعقب ما خلصنا ريوق مهرة صممت تغسل المواعين .. وطبعاً القلودة الصغيرة قالت: أنا بعد باغسل صحني.

__________________

اللهم طِيبَ الأثر .. وحُسْنَ الرحيل.