والله الى الان ما اشوف احد ملوم يا مهره غير اهلها
هم من لهم كلمة عليها وهم من تسمع نصيحتهم بالاخير
كم مره قالت هنا _ صدقت اختي قالت كذا .. صدقت اختي قالت كذا _
قد مره قالت صادقين يا اخواتي بالمنتدى نفذت كلامكم وطلع صح؟
ابدا ما مره سوتها
فاهلها الملومين ولسنا نحن يا مهره

لو كانت اختي ولي سلطه عليها
والله لاسوي المستحيل حتى ما ترجع له
او ترجع لكن بضمانات تقصم ظهره
زي مؤخر كبير والله لو شرطوا عليه بالعقد مؤخر ميتين الف
كان الحين ينقها وهو ما يشوف الدرب
ويمدي مصونات تستفيد منها في علاجها او اي شيء اخر


محد له اي دخل ولا شفت احد شجعها بصراحه يا مهره
هي اللي طليقها ببالها من 8 سنين بنجي احنا من ورى معرفات نغير رايها!!

الا بعد ما تزوجت فطبيعي خلاص اتزوجت بنكلمها ونحسن افعال زوجها بعينها
زي جميع المشاكل هنا التي تحتاج للتهوين وتحسين صورة الزوج او الزوجه

اما قبل رجعتها لزوجها ما شفت احد قالها ارجعي يا مصونات
هي اللي من يوم ما تطلقت وهي تندب حالها وتتمنى الرجعه
ولما شفنا من زوجها هذي الامور هناك من استنكرها منه
لكن صعب نقول لا ترجعي وهي متعلقه فيه كل هالكثر


رغم اني حزينه من اجلها الا اني فرحانه لها بنفس الوقت
هذا الشخص ما كان رح يخرج من عقلها وقلبها الا بصدمة قويه زي هذي
8 سنوات وهي تلوم في نفسها!
انها هي ما حافظت على بيتها وانها سبب الطلاق!

الان مالها حق تقول انها هي السبب
خليها تفيق يا مهره
يمكن الله يعلم من حالها ان ما يفيقها الا حادث زي هذا

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )