عزيزتي قصدي في شي عم يصير مش طبيعي كردة فعل طويلة بهالشكل
الخيانة صعبة ومرة وقت تكون بالفعل خيانة
بس خيانة زوجك انرسملها من قبل ما تتزوجي وقت اختك طلبت ترفضيه والله اعلم
بشوف القصة صارت متل ما رسمها الاخ كناري بس مع زوجك واختك يعني هيي اعترفت هددته وممكن بالاول انصدم وجاراها بالكلام لانو ما مستوعب اللي عم يصير من اقرب الناس قلك
كيف رح تكون ردة فعلك وفعل اهلك والجيران اذا عرفت
وما حب يقلك لانو هيدي اختك كيف بدو يحكي عنها هيك ويقلك اختك عم تتحشر فيني وبتحبني وطلبت طلقك واتزوجها

هيدا الكلام قاتل فكيف بدو يخبرك بهيدا وهوي بحبك وعارف رح يقتلك لانو مش من زوجك بل من اختك اللي مستحيل اخت تفكر هيك

ووقت اختنق من الموضوع خبرك وطلب تقرئي وانت رفضتي طيب كيف عم تحكمي عليه بالكذب وانت ما شفتي بعينك كلام غزل ووعود
يعني ظاهريا زوجك صادق وكلامه معها من اخ لاخته متل ما قال والله اعلم وخاصة بعد اعتراف اختك

اللي مش طبيعي اختي انك بتحبي زوجك وعم تحاسبيه على شي ممكن يكون بريء منه وبنسبة كبيرة
عم تحاسبيه من بعد اعتذارات كتير ومن شخص بيحبك كتير

ردة فعلك عزيزتي مش طبيعة وصلت لمرحلة المبالغة فكيف اذا اتزوج عليكي بالسر او حب امراة ثانية او ..الخ
يعني ممكن من الصدمة بعدك متأثرة بالموقف ومكبرتيه كتير ومش قادرة ترجعي لزوجك بسببه
وممكن سحر وعين وحسد وما في شي مستبعد الله اعلم
يعني المفروض عزيزتي وقت تشوفي حالك ما عم تتقبلي ترجعي لزوجك تقولي لازم اتخلص من اللي انا فيه وهو اللجوء لرب العالمين ثم العلاج والرقية
مثلا انا دايما بردد قدام الناس او قدام زوجي انو بس انزل على بلدي بدي روح لعند اخصائية سلوكية لاتخلص من بعض التراكمات
وفي كتير ناس بتروح بتعمل تفريغ لشحنات سلبية او افكار قهرية او مواقف مؤلمة
يعني عزيزتي اي انسان طبيعي بحاجة لشخص يسمعله ويساعده من بعد الله فكيف اللي مر بصدمة

صدقيني عزيزتي اسألي حالك هل انت مرتاحة ومبسوطة باللي صاير
طيب والحل
ما في شي ما الو حل بعد الله سبحانه وتعالى
حرام بيتكن ينهدم وانتي عم تتفرجي
بعرف مش بإيدك كرمال هيك بحاجة لحدا ياخد بايدك وينقذك

دعواتي ترافقك 💐💐💐💐

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه