حبيبتي علو انا اكتر وحدة بفهم مصونات لانو بعرف ناس مقربين وعايشت حالتهن كانت توصل للعدم كانوا ياخدوا نفس ادويتها بس مش منيح كل عالمدة تاخدهن من دون تغيير بالجرعات او بنوع العلاج ولازم تعمل فحوصات كل فترة للكبد وغيره
صرت كتير ناصحة مصونات تغير الطبيبة لانو العلاج ما عم بفيد
والحالة من سيئ لأسوء
وهيي مصرة انها مرتاحة معها
وهيدا خطأنا كلنا وقت ما نعترف انو حالتنا ما اتحسنت
العلاج بيبدأ من داخلنا واول خطوة لنكمل المشوار
والحالة الاغلب على مصونات الوسواس والكآبة وخاصة الوسواس بالافكار السلبية
يعني الفكرة مجرد ما تخطر على بالها بتترسخ بعقلها وبتصير محور تفكيرها وهيدي في ناس كتير بتعاني منها بس بحالات مختلفة
والاعضاء كلامهن من ضمن العلاج وهو العلاج السلوكي
فاذا قرأت مرة واثنين وثلاثة انو تصرفها بهيك غلط مع الوقت لا اراديا عقلها الباطني رح يحفظها وتقتنع انو ايه هيدا غلط ولازم اعمل العكس
يعني بس عليها تقتنع بالفكرة وعندها بيجي التنفيذ
كلنا بدنا نساعد مصونات من بعد الله لانو من حقها تفرح باللي عندها وهيي طلبت كيف تكسب زوجها
فاذا بدها تكسبه لازم نقلها على سبيل المثال اذا زوجته مريضة وبالمستشفى وبسبب انها عرفت انو اتزوج فلازم يوقف بجنب زوجته لتتقبل الواقع لانو في اولاد بالقصة وفي شي انفرض على زوجته
واذا وقفت معه مصونات رح يقدرلها هالشي ورح تكسبه
مصونات بحاجة لهيك نصائح
لانو اي طبيب بهيك حالات بيعطي الاهل او الزوج او الزوجة او الابناء الطريقة للتعامل مع المريض متل ما قالت مهرة
ففي حال زوجها ما اتفهم الوضع وما كان عندو خلفية على التعامل معها رح تنتهي العلاقة ورح تنتكس مصونات للأسوء

مصونات عندها استوعاب لانها دخلت تحفيظ وبتحب تشتغل بس المقربين ما اعطوها فرصة تجرب و اللي حوليها اوهموها انها رح تفشل ومع التكرار اترسخت الافكار براسها وممكن هني عندهن اعتقاد خاطئ بحالتها

انا اذا الله راد بس انزل على لبنان رح روح لعند دكتوري واعرض حالتها ومأكدة بإذن الله انها بتقدر تتخطى هالشي وتكمل حياتها عادي بعلاج لوضعها بس يتشخص صح
لانو كتير بنسمع في اشخاص بتروح لعند كذا دكتور وبيختلف مرات التشخيص من دكتور للتاني

فأنا مستغربة وقت عم تشوف الدكتورة انو حالتها هيي هيي ليش العلاج ما أتغير لانو بيعني ان العلاج مش مناسب
انا من اربع سنوات وقت الدكتور غيرلي العلاج كذا مرة ولقى ببعض الاوقات انو ما عم اتحسن حولني لعند طبيب للعلاج السلوكي وبعد فترة ما احتجته بس كنت اقرأ كتير من هالناحية
واتثقف وبالفعل في فرق كبير وكليا
كلنا بدنا نمسك ايد مصونات من بعد الله لانها انسانة رائعة وقلبها ابيض ومشكلتها انها عم تتعالج العلاج الخطأ
مصونات عندها القدرة تحاورنا ومش اقل مننا بالعكس اذا زالت الافكار السلبية رح تكون نعم الزوجة والمرأة المتصالحة مع نفسها


اسأل الله ان يبدل حالها الى افضل حال ويسخر لها اولاد الحلال

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه