حابة اكتبلكم اخر مستجداتي ..
انا لما كتبت الموضوع كنت في بيت اهلي، لما رجعت للبيت من كم يوم حسيت اني ما اكره زوجي بالقدر اللي كان قبل ما اسافر، وكمان لقيت نفسيته هو جدا متحسنة ومعنوياته مرتفعة، اما من ناحية الوظيفة فمازال يبحث ولايزال عاطل عن العمل، سألته هل صرت تروح للمسجد قالي نعم، قلت طيب ليش مارحت من يوم ماجينا قال حاسس بإرهاق وتعب ..
.
.
وايضا من المستجدات انو كنت عند صديقة ليا تعرف كل قصتي ومشاعري تجاه زوجي، ورآني اخوها بالصدفة وانا خارجة وانتهى الموضوع، بعد كم يوم قالت لي لو فكرتي تتطلقي ترى اخويا يبغى يتقدم لك وحكتلي عن اخوها وعن موصفاته وشتت تفكيري، وأخوها هذا متزوج وزوجته مريضة وماتنجب.
.
.
انا كنت ناوية ارجع للبيت ابدا أمهد لزوجي بموضوع الطلاق لكن حكيت لكم الإحساس اللي حسيتو فوق ..
.
.
ياجماعة الخير احد حصل معاه شي مشابه سواء رجل او امرأة .. بالله اكتبولي لأَنِّي مو عارفة ايش صاير معايا