المشاركة الأصلية كتبت بواسطة -مسك الليل-

مساء الخير

قررت ما اتزوج هذا الشاب..

مو بسبب نواياه، بل فقط لأني لست مرتاحة لا للزواج منه أو منه غيره..

يمكن تفوتني معه فرصه، بس ماقدرت، ماقدرت اتقبله كزوج وعجزت اتقبل الزواج أصلا، سبحان الله عشت اخر ست شهور في تعب بمجرد اني احاول افكر بالموضوع.. الحين قررت بيني وبين نفسي أرفض بشكل نهائي.. من يومها رجعت لي السعادة والبهجة وراحة البال.. لقيت ان الزواج يضيق صدري مدري ليه، حتى لو كان هذا الشاب يموت فيني وصادق وناوي عالخير أنا ما بدي اتزوج يمكن الخلل فيني،، ما كنت كذا زمان.. بس الصدمات تركت أثر كبير في نفسي..

ما اخاف اني يمكن اضل وحيدة بعدين، ما افكر الناس ايش تفكر،، حاولت اقنع نفسي اني صغيرة ولازم اتزوج واعيش شبابي بس عجزت اقتنع.. والظاهر حتى لو تقدم غيره ماراح اقدر أخطو هالخطوة.. الخلل فيني بس مرتاحة...

اقول لنفسي اذا كبرتي -وصلت الخمسين- وفاتك قطار الزواج خلاص مو مشكلة.. اكون لحالي حرة نفسي ويكون عندي مالي اطلع واتفرغ للاعمال الخيرية بلا زوج ومسؤولياته وحقوقه.. مرتاحة كذا.. والاحتياجات الفطرية ما أقدر أخمدها بس ما بفوت على علاقة وميثاق غليظ من أجلها فقط.. الله المستعان