حبيبتي لا تتأسفي ولا تتحسري على ما فات
مأجوره بإذن الله

أنا مثلك تزوجت ولا سافرت شهر عسل .. ولا سافرت حتى مكه .. ومابيني وبين مكه الا 100 كيلو بس
وش رايك بالله ؟؟

إلتمست له أعذار وقلت المسكين مامعاه سيارة تتحمل سفر وروحات لمشاوير بسيطه

قلت له في شهر العسل حبيبي فلوسي وفلوسك واحد واقنعته وشريت له سيارة آخر موديل
أصلاً ماحلم في حياته يركب مثل ذيك السيارة الفخمه ..

وهل سفرني بعد ما شريت السيارة ؟؟؟

هههههههههههه لا والله .. لا ذقت لا سفر ولا غيره

ومع ذلك صبرت وتحملت .. كنت اسافر مع أهلي عشان دراستي ولما رحت بعثه حضرته جلس معاي شوي بعدين رجع وتركني ..

كان ما يملك الريال !!
هل تكبرت عليه ؟؟ لا والله ويشهد الله ماعمري حسسته .. صحيح طالعه من بيت حلو ومن اسرة كانت توفر لي كل شي .. بس احنا عندنا الزواج يعني الستر والمظاهر ذي مالها لزمه

يعني لو تقدم لك شاب ومدحوا دينه وصلاته خلاص تتزوج البنت .. ووش يعني هي غنيه وهو فقير .. هالكلام ذا مو عندنا ..

المهم ياستي رغم هذا كله ماقدر ولا احترم التنازلات ذي كلها

خيانه .. ترك صلاة .. تهاون في صيام .. وفوق كذا صبرت وأنا عارفه اني مابخلف منه الله يشفيه ويرزقه .. هذا اللي اقدر اقوله ..

والله مافكرت بالعقم مو ذنبه ربي خلقه كذا ويشهد الله ما حسسته وصبرت وصرفت أموال كثيرة عشان يتعالج .. في النهايه جازاني بالخيانات والاهمال ..

سيبك من الخيانات والاهمال .. أتعبني بتركه للصلاة ..

وقتها الطلاق ماصار مني .. صبرت وتحملت واخترت اني أبعد عشان أركز في دراستي وأحاول أخلص بعثتي ولا اخسر حاجتين

وهو راح للقاضي وطلق ..

قال له القاضي ووش السبب ؟؟

قال أنا ما استاهلها .. بنت الناس ماقصرت معاي ..

طيب ياخي ماقصرت معاك .. مافيه أمل تعدل من نفسك وتصلح الخراب اللي ماشي فيه ..

في النهايه شوفيني عايشه والحمدلله من تقدم لتقدم وهذا من فضل ربي علي ..

وهو حتى سيارة مايملكها .. يمشي على رجوله .. ياكل من عند الناس .. عايش مثل اليتيم

لا حول ولا قوة الا بالله ..

من جد احيان تستغربي من بعض القصص والمواقف ..

__________________

(( لا شيء يجعلنا عظماء سوى ألم عظيم ))