المشاركة الأصلية كتبت بواسطة روح الطير

أنا غير

تعاطفت جداً مع قصتك ، لكن خليني أكلمك بطريقة عقلانية و بعيد عن العاطفة ..
حابة أسألك و مو لازم تجاوبي ..

1. ظلمك ليش ؟
مو قلتي ساعدك ؟
طيب مين سمح له يساعدك ؟
مافي بالبلد قانون ؟ محامي ؟ أخ ؟ خال ؟

مو تقولي خالك في القضاء يشتغل ؟
فينهم لما سمحتي لهذا الشخص انه يدخل لحياتك بحجة مساعدتك في الحصول على الحضانة ؟
( يعني انت اللي سمحتي له بالدخول لحياتك .. فلا تلوميه 100% .. إنت أيضاً اللوم عليك )

.
.

2. ظلمك ليش ؟

لإنه أرسل لك ورود في مكان عملك ؟
و أحد ضربك على يدك عشان تقبليها ؟

البي يبغى يتقدم لبنات الناس ، يتقدم من الباب و لا من الطاقة ؟
يعني هل إنت طفلة أو مراهقة عشان ما تعرفي حركات ( الرجال اللعابين و المتطفلين ) ؟؟؟؟؟

كان بإمكانك .. ترفضي الباقة أو ترسلي له أخوك يأدبه بكلمتين ..
يا تجي تتقدم مثل الرجال المحترمين ، يا تبعد عن طريق أختي ..

.
.

3. اعتدى عليك في إيش ؟
و اخذ منك فوق حقه ليش ؟

بيت ملك و اشتريتيه ، و ماحد غصبك تشتري بيت قبل لا يصير موضوعك و موضوه رسمي و شرعي ..
طيب و اللي تشتري بيت و تكتبه بإسم زوجها و يطلقها و يرميها و يتزوج تانية و يسكنها فيه ، ايش اسمه ؟

عالأقل حقوقك محفوظة و البيت بالأخير يرجع لولدك ..
و وظيفتك عندك .. و ولدك عندك ..

تبغي تعيشي ( دور الحزينة و المظلومة لمتى ؟ )

انت بنيتي أوهام في راسك ، و انت سمحتي له بالدخول لحياتك
و انت تواصلتي معاه قبل لا يتقدم بشكل رسمي ..
و طبيعي يبغى يتسلى بما انه الموضوع مازال غير رسمي و غير جاد ..
انت سمحتي له و فتحتي له الباب بإرادتك ..

و في الأخير ( انت ما خسرتي شي ) ..

كرامتك ، نفسك ، مشاعرك ... إلخ

عندك ارادة بالتحكم في نفسك ..
و انك ما تعلقي نفسك على أمل رجوعه لك ..

.
.

عالعموم ..

كلامه و اكاذيبه مو شي جديد ( عن أغلب الرجال ) ..

و كلنا انقرصنا و شربنا من نفس الكأس ..
عالأقل إنت مازلتي في بر الأمان ..

.
.

تبغي أخوان ( لولدك ) ..
مو ذنب أبو محمد ..

.
.

تقدري تجيبي من غيره ، و تقدري ترجعي لأبو ولدك ..
فلا تضعي كل اللوم على ( وهم و أحلام ) ..

.
.

كلنا عشنا ماسي في حياتنا ، اللي فقدت أمها و اللي فقدت أبوها و اللي تربى يتيم ..
و اللي تعرضت لتحرشات ووووو إلخ

لكن الإنسان الناجح ، هو اللي ينفض الغبار عن نفسه و يقوم على رجوله من جديد

.
.

بلاش بكاء و حزن ..
لإنها بتضر صحتك ، و تطلع تجاعيد و تقصر بالعمر .. من غير ما تحسي بنفسك ..

.
.

سود الله وجهه و انتهى ..

و اقفلي الصفحة هذه من حياتك ..