حبيبتي أنا صاحبة الموضوع اللي حطوا لك الرابط تبعه ..

ياشيخه ربي يسعدك ويعوضك خير عنه ..

وربي ماحسيت بلحظه اني تعبانه من وراء سالفته .. لأنه هو اللي تعب وتحدى الجميع وجعل جميع الأضواء تسلط عليه بعدين مدري وش صار في عقله وانسحب ..

بالنسبة لي كنت ماشيه معاه في اللي يقرره بس في نفس الوقت حاطه بالي من حياتي من أموري الخاصة .. دراستي عملي راحتي في السكن وغيره وغيره ..

اعطيته شروطي كامله وقبل فيها رغم صعوبتها .. استغربت منه .. قلت نمشي معاه للنهايه .. ومشينا معاه للنهايه

كانت خطبه معلنه أمام الجميع .. والكل يتصل ويبارك .. هن بنفسه راح حجز أفخم أوتيل في تركيا كله عشان شهر العسل

وانا والله جواتي مو مقتنعه لانه انسان مرتبط .. بس سكت كمان وقلت نمشي معاه لين النهايه ..

وفعلاً انسحب وصار اللي صار ..
تعرفي انا ما تعبت زي ماتعب هو

وربي وربي مو ذاك التعب .. ممكن تقولي خجلت من عايلتنا بس لأن خبر الخطوبه انتشر

أما هو أجزم تماماً انه تعباااان تعباااان لين اليوم .. الله يرفع عنه ويقنعه باللي عنده ..

لما الكل شايفني صامده وماشيه براس مرفوع الحمدلله يستغرب مني .. يقولون لي انتي ماحبيتيه ..

طيب أوكي ماحبيبته .. سلامات وليش أحب لي واحد متزوج وعنده بيته وزوجته وعياله
لو ما وقف بطريقي وتعب لحد ماوافقت كان ماعطيته فرصه أصلاً ..

لا تقولي لي انتي حبيتيه عشان وعدك ووعدك وصور لك انك بتعيشي حياة ورديه معاه وانك بتنسي ايام العذاب اللي عشتيها

يا عزيزتي لو تشوفي اللي عندي كيف اعطاني وعود ويجي يكلم أمي ويعطيها وعند ويكلم أخوي ويكلم خالي و و و و
ما بقي أحد من العايله الا وعرف بوعوده وانه هذا الانسان اللي يعشق زوتا من زمان وهم الوحيد اللي بيعوضها عن كل أيام التعب اللي عاشتها ..

يا بنتي خسر خسر خسر في الحجوزات
حجز داخل المملكه وخارجها .. كله عشان الايام الورديه اللي وعدني بها ..

يعني المفروض اقول خلاص هذا هو فارس احلامي اللي جاي يسعدني

وأبد يا طويلة العمر .. انسحب ولا تعبت عليه دقيقه .. مدري يمكن شخصيتي كذا فيها نوع من الكبرياء

اللي يبيعني أبيعه برخيص وما افكر فيه

ما اسمح لقلبي يحب وينهان لحظه

أما لو سألتيني عن حاله .. اقول لك متأكده تماماً انه تعبان لين اليوم ..

والله يستر حالي وحاله ..

__________________

(( لا شيء يجعلنا عظماء سوى ألم عظيم ))