ابو دحيم وراك عجل؟
اقولك عندي بالشغل شباب اطباء اعمارهم فوق الثلاثين ما تزوجو ، لما تسألهم يقولو والله اكبر غلط ما تزوجنا بدري وقلنا نبي نفلها وما سوينا شي..

وعندنا شباب متزوجين من اعمارهم 24.. ولما تسألهم. يقولو لا تتركون العزوبية غلطة الزواج من بدري ما فليناها ومتعنا اعمارنا عزاب !! هههههههه

الفكرة ما يهم اي عمر تتزوج، لكن الي يهم انك مستعد فكريا للزواج وقد المسؤولية .. انا عمري 27 واقولك تفكيري لما كان 23 يختلف وكانت فيه اشياء بايخة اسويها ..

نصيحة انتظر اشتغل وجمع لك كم قرش.. سوي اي شي كنت مخطط له .. تبي تسافر تتمشى تبي تسوي اي شي.. سويه بعدين تزوج وعمرك 26 مثلا ... جدا مناسب.. والبيوت مليانة بنات يعني ما وقفت على البنت هذي..