انا عشت في ظروف مشابهه لظروفك نوعا ما ..
وكان السبب هو اني ما كنت اجتماعي ..
فكنت دايما احب ابعد عن جو الاسره من يوم اني صغير ..
حتى في طلعاتهم كنت اتحجج بأي سبب عشان ما اروح معاهم ..
وقت الدراسه الجامعيه اخترت ان ادرس في استراليا ..
وسكنت في شقه مفرده .. واتممت الدراسه في 4 سنوات ونص ..
بعد التخرج بحثت عن وظيفه تبعد عن منزلنا 300 كيلو متر ..
وسكنت كذلك في سكن مفرد .. كنت ارتاح بالوحده ..
ولكن يوم بعد يوم .. حسيت ان لابد من التغيير للافضل .. لانه حياتي كانت روتينيه بشكل ممل ..
بفضل الله تزوجت .. ولي الان متزوج 4 وداخل على السنه الخامسه ..
زوجتي كان لها دور كبير في تغيير طباعي ..
اصبحت اجلس مع الاهل اكثر ... اهلي و اهلها ..
صرت اختلط بالناس . . صرت احب الطلعات العائليه والسفرات ..
تقريبا من تزوجت الى الان ماعمرني سافرت لحالي .. يعني سفره شبابيه .. الا مره واحده بعد الحاح اصدقائي الشديد .. لاني كنت ابي اعوض السنين اللي فاتت واللي عشتها بعزله عن الناس ..
اصبح كل ما خططنا للسفر مره ادعوا اهلي للسفر معنا .. اخواني واخواتي والوالد والوالده ..
واحيانا اخرى تدعوا اهلها للسفر معنا العم والعمه والانساب ..
الحمدلله حياتي تحسنت للافضل ..
لا اعلم عن سبب طلاقكم اخي .. بس حاول ان تغير من هذا الطبع المتعب ..
ولا اذكر في يوم من الايام اني اشتقت للعزوبيه ابدا ..
بالعكس حياتي الاسريه (الزوجيه) احاول اني احسن واطور فيها بين كل فتره وفتره ..
يعني التجديد مطلوب .. للاحسن طبعا ..
الحمدلله وبعد اول مولود كذلك صار ارتباطي فيهم اكبر من قبل .. لان المسؤوليه زادت .. فوجب زيادة وقتي بجانبهم ..
ولا اخفيك سرا .. صرت لما اطلع مع الشباب لحالنا لازم اتواصل معاهم على الواتس اب على اقل قليل .. واسال عن احتياجاتهم ..
انا ملزوم فيهم وهم برقبتي .. مالهم بعد الله سبحانه وتعالى الا رب الاسره ..
فالحمدلله على كل حال ..
الطلاق مو معناته نهاية الطريق ..
ابحث عن نقاط الضعف في حياتك الاسريه وحاول تصلحها وابدا مرحله جديده واترك الماضي خلفك ولا تفكر كثيرا بما فاتك .. انما فكر بالمستقبل وعيش حياتك ..
الحياه قصيره جدا .. استغل كل ثانيه فيها .. مع اهلك وعيالك ..