ارجوكم اعذروني بتأخري بالرد
شكلو كثرت التفكير والضغط تعبتني وسببت لي هبوط والحمدلله ع كل حال...
بالنسبه ليه ماتكلمت عن كل مساؤه
انا اخفيتها عن امي وابوي والله خوفا عليهم انا وحيدتهم واحسهم بزياده شايلين همي اشياء بسيطه ذكرتها وتعبوا منها ففضلت اسكت ومافي فايده اسولف عنها
هو انسان مراوغ ممثل لما ناقشوه بأفعاله جلس يبكي ويقول انا متندم وغلطان بس سامحوني ودايم يكررها استضعف اهلي فصدقوه وجاء عندهم امل انو ممكن يتعدل
طبعا كلام فقط اما الافعال مافي..
للحين حتى لما دار بيننا نقاش مو شايف انو غلط وقصر بحقي
شايف انو بسبب زواجاته زعلانه وانو خلاص بطل زواجات ويبغاني ارضى..
اخوي الكبير عنده علم بكل شي وتارك لي حرية القرار
الضغط فقط من جهة امي وابوي ...

بخصوص الشروط
والله م تهمني الا اللي قولتها بس مااظمنه نهائي فيها حتى لو تسجلت بمحكمه
بزواجه الاول نفس السيناريو كان
جلست عند اهلي سنتين ورجع يبكي
وحطيت دستة شروط منها رضاوه ماليه بمبلغ وقدره وتأثيث البيت وشروط اخرى وقدام رجال
وحلف ووعد انو ينفذها
وجلس كم سنه ملتزم فيها بس مجرد ماتوظفت طلع لي وجهه الحقيقي اللي كان مخبيه عني...
فما عندي ثقه فيه نهائي ومافي اي شي ممكن يضمنه لي الا اذا ربي اراد هدايته

اخوي الرسمي
وش بيفيد لو بقلبي له شي وهو معاملته كذا لي
ليه برجع اتوقع خوف بس من الضغط اللي حولي وتخويفي من الطلاق وانو ممكن تسرعت وفكرت بأنانيه
اثق بأرائكم جزاكم الله كل خير ولا حرمكم الله اجر التخفيف عني وتنويري...

مسيار لا والله م اقبلها ومااظن اقدر اتعايش معه انا ادرى الناس بنفسي
انا متأكده هالشي هو يبغاه وهو اللي بيصير ف حال رجوعي ...
مااقبله لنفسي ابدااا
بدت تتضح لي حياتي كيف بتكون ..

__________________
(سيدة الموقف)
لم ننساك ونسأل الله ان تكوني أنتي وأولادك بخير