المشاركة الأصلية كتبت بواسطة الـــوحيد

طيب عشان مايوصل الموضوع للطلاق طالما انك حابه تستمري معاه
لازم تتغييرين للافضل
وتشوفي السلبيات اللي بشخصيتك وتعدليها
عشان تعيشين بسلام مع زوجك واهله
اولاً حاولي تتخلصين من تقليب الماضي خلاص شي انتهي انتهي ماله داعي تعيدين وتزيدين في الموضوع خصوصاً انك سامحتيه
ثانياً العصبيه الزايده هذي تخلي كل اللي حولك يكرهك مو بس زوجك واهله
ثالثا لا تأولين كل شي على كيفك ولا تتهمين بناء على شك والمشكله انك تخلين الشك يقين يعني انتي شاكه بشي معين تتكلمي عنه وكأنك شايفته بعيونك
رابعاً الله عزوجل يقول ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ
عاملي اهل زوجك وامه بالذات بالحسنى واحتسبي هالشي لله
اذا انصلح الحال زين واذا ماانصلح كسبتي اجر من رب العالمين يعني انتي من الجهتين كسبانه