حبيبتي التحرش من شخص واعي مش من طفل 6 سنين
حتى ممكن صاحب الست السنين ما بيعرف شو يعني اللي عمله

ما توسوسي كتير بالموضوع انتبهى وكوني واعية ان صار معو هالشي او لا
اقسم بالله السنة الماضية صار مع اولادي شي حدنا في ملعب للفوتبول وفي متل نطيطة واولادي كانت اعمارهن 10 و7 بيلعبوا مع اصحابهن بعمرهن وبنعرف عنهن كل شي وبنراقبهن بين فترة وفترة من بعيد من دون ما يحسوا
وفي عندي جارة عربية بيتها مقابل الملعب
وشافت ولدين بعمر 14 و16 سنة عم يلعبوا مع الاطفال ومن ضمنهن اطفالي لعبة المصارعة ويناموا فوقهن وحست انو هالشي عم يتكرر وفي مش مزبوط
اجت خبرتني وخبرت زوجي من دون وجود الاولاد
فسألت اولادي انوا شو عم تلعبوا بالملعب وهيك كحديث ومين عم يغلب التاني ان كان بالركض او بالفوتبول او اي لعبة
فخبروني عن هيدول الشخصين انو عطول بيطلبوا منهن يلعبوا هيدي اللعبة وهني عم يرفضوا مع رفقاتهن وبيصيروا يحملوهن ويرموهن ويطلعوا فوقهن ويقولولهن غلبناكن وانهن اصغر منهن وما بيقدروا يغلبوهن
المهم فهمتهن انو هيدول اعمارهن كبار ومش موجودين بمدرستهن ولا بالمنطقة اللي ساكنين فيها من بعد ما سألت اولادي عنهن

فشرحتلهن انو هالشي مش طبيعي شاب بعمر 16 المفروض يشتغل ومش يلعب مع ولد عمره 10 سنين و7 سنين
وخبرتهن انو هيدول اخلاقهن مش منيحة وبيستغلوا الاطفال اللي اصغر منهن
وبعدين رجعت انا وزوجي نطرناهن من بعد ما ابني دلنا عليهن
وخليناهن لكانوا لوحدهن وحكينا معهن وانو رح نخبر البوليس واهلهن وانو في ناس عم يشوفوهن واشتكوا منهن
وانوا المفروض يمشوا مع اشخاص بعمرهن مش ولد 7 سنين
ومن وقتها ما عدنا شفناهن بالحي
وصاروا اولادي اوعى لهحالركات
حتى اذا شخص اعطاهن شي وطلب منهن تعوا لعندي عالبيت العبوا او اي حدا ما بيعرفوه
يقولولهن هيدا البابا هون جايي ويأشروا لاي شخص عالطريق او واقف على شباك منزله

والاولاد ولا مرة جربوا يلعبوا بنفس الطريقة اللي عملوها معهن الولدين
ولا رجعوا ذكروا الموقف ابدا
وبالعكس اي حدا ان كان صغير او كبير طلب يلعب معهن بيجوا بيخبرونا لنعرف وين ساكن ومين اهله
حتى بنتي عمرها ست سنين بحكيها باشياء لعمرها وتفهمها وما بتخجل تحكيني اي شي
وخاصة نحنا ببلد بتصير فيها اشيا كتير قدام الطفل
يعني المفروض وعيه انا قبل ما يشوف شي ويفهمه على طريقته

دعواتي ترافقك

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه