بنت أختي عمرها 5 سنين كذا تتقرف من الأكل عايشه على الشيبسات والعصيرات والحليب وبعض الأكلات يمكن أربع أصناف بس هي اللي تتقبل تاكلهم وتتقرف أحيان من أمها ومن روائح بعض الأكلات
و واحد من أخواني في صغره كذا ومازال هالطبع فيه وهو بالعشرينات الحين
مره كان عازمه واحد من أصحابه وهم ماشاء الله عائلة ثرية المهم مد له سفرة طول بعرض وماأكل أخوي إلا شي بسيط زعل منه صاحبه بس فهّمه أخوي السبب وهالشي يخلي أخوي مايقبل العزايم لأنه ماياكل يتقرف كم مره يزعلون منه أصحابه لأنهم يعزمونه وماياكل بالذات برمضان ع الفطور و لو طبخنا بالبيت ماياكل إلا أشياء معينة وأغلب أكله من برا بصراحة الله يهديه مُتعب
ودورة المياة مستحييييل يدخلها إلا ببيتنا حتى لما يكون مسافر بالطيارة أو السيارة يتعمد ماياكل ولايشرب عشان مايدخل دورة المياه هو حالياً بأمريكا يدرس يعني تخيلي لما يسافر بالطيارة كل هالساعات مايدخل الحمام إلا لو حس إنه راح يعملها على نفسه مايقضي حاجته وإنتم بكرامة إلا بحمام بيتنا أو حمام شقته هناك بأمريكا ياما نصحناه مايصير يحبس نفسه هالشي بيأثر عليه لكن لاحياة لمن تنادي أوقات يرجع للبيت يقضي حاجته ويرجع لبيت صاحبه اللي يبعد عننا مسافة 45 دقيقة
أنا مع البنات لازم تنتبهين لولدك هل هذي مؤشرات لوسواس ممكن لاقدر الله يصيبه بالمستقبل ولو كان فعلاً وسواس علاجه من البداية أسهل لأن أخوي وأختي أم البنت كلهم مصابين بوسواس النظافة ماأدري بصراحة لو هالشي وراثي وإنتي ذكرتي أعمام أولادك مصابين بالوسواس الله يعافي الجميع

__________________

وبدأت تحدي إنقاص الوزن الهدف إن شاء الله 55 كيلو