كنافه والله دخلت وسويت حساب ثاني عشانك حسابي الاول مو راضي يدخل

المهم ياقلبي

عزيزتي كنافه كوني سعيدة
آسفه على اللي بقوله بس مشاكلك مرهقه لنا كـ قراء
فمابالك وانتي تعيشينها..

كوني لطيفه شوي وتجاوزي شوي.. كوني سعيده لو في رد من الردود.. اسفه بس احس انك مكتئبه وتعيسه
احس فيك حنان عظيم وفيك أنوثه جميله استغليها لصالحك
اكسبيه بلطفك..
عمري ماشفت لك رد لأحد الاعضاء فيه قلة ذوق او قلة ادب منك.. اسلوبك راقي والله ويوصل للقلب.. كوني هكذا مع نصفك الثاني.. مع من تعاهدتوا على ان تكون سعادتكم مع بعض..
لا تتسرعي وتحكمي بالنهايه لحياتكم فـ والله اعتبريني اختك واهمسها لك بأذنك (( ما اصعب الطلاق))
انا مجربه وانا بدون اطفال فمابالك بطفلين
زوجك رائع زوجك يبي احتواء ادري بتقولين وانا ابي احتواء بس قدمي انتي ولفترات طويله نوعاً ما وبتلقين نتيجه

كنافه حبيبتي
شوفي مصايب البعض هنا بالمنتدى والله انك في نعمه يغبطونك الكثير عليها..
كل مافي الامر تحتاجين شوية صبر مع الاستغفار
والكثيييييييير من السعاده يا كنافه الكثير الكثير الكثير
والله اذا كنتي سعيده هذا ينعكس على بيتك وزوجك
تكون بينكم طاقه ايجابيه
كيف تكونين سعيده؟؟؟
بالتقرب من الله اول وتالي ثم رضاك على زوجك حتى الله يرضى عليك.. يعني ماتدعين عليه والله يهد حيله ومن هذا القبيل وافرحي لو بدر منه اي تصرف صغيييير كذا والله شوي شوي تسعدين
ادري والله يمكن كلامي كثير ومو مرتب ويمكن تشوفينه مثاليه بس والله حرقني قلبي عليك يوم جبتي طاري الطلاق وانتي اخت لي وما ارضى لك بهدم بيتك..

ولا تنسين الصدقه فههي تطفئ غضب الرحمن 💕