حبيبتي كنافة شفتي كلامك بآخر رد هيدا اساس المشكلة والله اعلم
المحيط اللي عايش بيناتهن كلمة من هون وكلمة من هونيك بيخلو الشخص يحس انو حاله غلط ومع الوقت بيتشرب كلامهن وبيصدقه
يعني عالاغلب اللي ماشي معهن فاهمين انو الرجولة هيي الغاء المرأة الله يهديهم
والبعض اللي مش قادر ينفذه ببيته بيرميه على غيره
وهيك بتنهدم البيوت من دون ما يحس صاحبها
واذا حابة تبقي فترة عند اهلك انا مع نصيحة الاخ الكريم نيت مان
انكن تبعدوا من دون اي تواصل
ليعرف كل واحد فيكن قيمة التاني
وليشوف حياته اذا بيقدر يكملها من دونه

مرات البعد بيخلينا نرجع نتذكر قيمة وايجابيات الشريك ويخلينا نرجع نعيد حساباتنا ونغير من انفسنا لاجل ما نخسره
واذا حصل العكس بتكون الحياة متعبة للطرفين
اسأل الله ان يقدم لك كل الخير وييسر حياتك الى الافضل
وفي نقطة مرات التصوير اللي بينزل بالسناب بيخلي العين قوية عليكي لانو في اشخاص بتشوف هالشي انك عايشة بنعيم وسعادة وراحة البال ولو كان العكس
وانا متلك بحط صور كتير وبين الفترة والفترة بيطلب مني زوجي وقف هالشي لانو بيصير يسمع كلام من البعض مين قدك عايشين حياتكن بالطول وبالعرض وكأنكم روميو وجولييت
وراسكن مرتاح ولمين صحت هالحياة ومحظوظ اللي بعيش هيك
وما حدا بيعرف بمعاناة الشخص وانو ممكن يعيش يوم حلو ويوم مر مثله مثلهن
بس بياخدوا عالظاهر

دعواتي ترافقك

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه