اقتباس:
المشاركة الأصلية كتبت بواسطة شاطى الراحة
اقسم بالله اعرف شخص تزوج بنت بكر وعمرة 58 سنة
البيوت مليانة عسى الله يرزق بنات المسلمين الازواج الصالحين
شكلك ماندخلين تويتر وتشوفين الاحصائات الرسمية المرعبة
الله برزقهن من فضلة ويسترهن بسترة
|
وشي ظروف البنت عشان تقبل فيه تعرفها؟
تشوف إنه صح بغض النظر عن كل شي إن عيالها يكبرون بغياب أبوهم
لأنه تعبان مايقدر يربيهم ويمكن يتوفى وهم بعمر صغير
الأولاد بالذات يحتاجون أبوهم إذا صاروا بسن مراهقة يحتاجونه يفهمهم
ويتعرف على أخوياهم ويسأل عنهم بمدارسهم
هل هالشي بيقدر يسويه إذا صار عمره بالسبعينات؟
إسأل نفسك وبكل أمانة هل البنت سعيدة معه هل فعلاً كان هو الشخص اللي تتمناه ولا حدتها ظروفها عليه
ماراح تحتاج لزوج كله حيوية يطلع معها ويسافر معها ويعفها وحط تحت هالكلمة ألف خط
إحنا البنات مانملك نختار لأنفسنا زواجاتنا تنفرض علينا مايكون قدامنا إلا خيارات محدودة ونختار أفضل الموجود والبعض مايكون عندها خيارات أصلاً لأن ماتقدم لها أحد
إحنا مانملك نتشرط ونحط مواصفات ونقول دوروا لنا شخص بهالمواصفات
بينما إنتم تقدرون وتتشرطون وتدخلون عشر بيوت تنقون منها
الخيارات قدامكم كثيرة بس إحنا لأ ، ومو كل وحدة قاعده مع زوجها حب فيه فقط لأن ماعندها خيار ثاني
بعض الرجال يعتقدون إنهم مرغوبين والحقيقة إنهم إستغلوا ظروف البنت وحتى هم بشكل أو آخر تم إستغلالهم