رد: عودة زوجي من السفر واستمرار المشكلة
اخذني يوم العيد ورماني عند اهلي
عشان يسافر ويستانس
وقبل يروح اخذ مني مفتاح البيت
ولما رجع قلت له ياخذنا ثاني يوم
لقيته افتعل لي مشكله من لاشي
وقفل الخط بوجهي
سب واهانات عالجوال والواتس اب
ولا مر ياخذنا ولا اتصل ولا شي
وهو عارف اني ما اقدر اجي
لان مامعي مفتاح للببيت
ولاني ماطلعت باختياري هو طردني عشان يسافر
انا متعوده ما اطلع مشاكلي لاهلي
وهو مفتكر اني اعمل كذا خوف من الطلاق
او يمكن يحسب اهلي دارين وساكتين!!
بينما الحقيقه اني ساتره عيوبه وافعاله
سألوني اهلي اذا زوجي رجع من السفر
من ذاك اليوم قلت ايه رجع الحمدلله
وبعدها ماسألوني عنه
واكيد مستغربين انه ماسأل بزوجته وعياله
حتى بعد ما طيح اللي براسه
هل هذي فعايل رجال؟
انا الحين اللي اسألكم؟
اذا هو حن للعزوبيه لما سافر لحاله
مع خويه العزوبي راعي البنات
ورجع للمراقص وبنات الليل
اللي معترف لي انه كان يروح لهم قبل الزواج
فهذا شيء ثاني
انا حاولت قد ما اقدر اتغاضى عنه
لكن هو لا حشمني ولا قدر العشرة اللي بينا
واقف لي عالزله ويزعل بالاسابيع والشهور
والود وده يقفل علي بعلبه ويرمي المفتاح
لكن انا كنت غبيه فوق اللازم
الله ينصرني عليه
واخلص منه باقل الخساير