رد: عودة زوجي من السفر واستمرار المشكلة
كوكي ايه متضايقه من سفرته
بس ماكلمته ماقلت له
ماعاتبته ما تخانقت معه
ماعملتها مشكله
ماحاسبته ماحطيت راسي براسه
لاني ادري قبولي او عدمه مايهمه
ولاني قاصره الشر
وما ابي اتمشكل معه
لكن رده فعله صدمتني
وترى معظم كلامه كذب
زي اني ادعي عدم معرفتي بموعد رحلته
او اني اترصد له اذا مادق
كذذذذذب كذذذذذب
مدري منين يجيب هالافكار من راسه
لو فيها عتب انا اللي المفروض اعاتب
مو هو
بس بلعت العافية وسكت
ودليل لؤمه انه كب كل هالكلام بعد مارجع
هو اللي كان يمثل علي دور الاهتمام والشوق
لانه محتال ويعتقد كل الناس مثله
هاتي لي زوجه تفرح من قلبها اذا زوجها سافر يستانس ورماها ببيت اهلها
مافيه
انا مو امه انا زوجته وشريكه حياته
اللي حتى صمتي فسره باسوأ تفسيرات
كنت مخططه ارجع له بنيو لوك
واعمل معه كيت كيت وكيت
سد نفسي حسبي الله عليه
وزي ماقلتي قال اتغدى فيها قبل تتعشى فيني
كان مبيت الشر
وانا لماشفته راح ورجع قلت يابنت اسكتي
هو اللي نبش شغلات من قبل العيد
هالسفره لو فيها خير ماكان ذا اخرتها
وانا لو بكبرها بيقول للناس زعلت لاني سافرت
بينما انا زعلت من تعامله القذر بعد رجعته
وانتي تقولي طنشي واسكتي
طيب باي نفسيه ارجع البيت؟
لاحظي هو اخذها باللجلجه
ناوي ياخذ السفر عاده
فقال اكسر راسها من اول مره
عشان يقوى قلبه مستقبلا
مالها الا هالتفسير