سمورة

ماشاء الله التطورات جدا مفرحة..
بخصوص زوجك
بصراحة موقفة رغم اني ماأيده بخصوص الأسم لكن معذور
اولا واضح حالتكم المادية بسيطة جداا راتب زوجك قريب من اللي يبقى من راتب زوجي بعد القروض بصراحة مرررة قليل انا لو ماكنت موظفة الله اعلم كيف عايشين..شلون أنتم..
شيء طبيعي ياسمورة زوجك يتمنى يتحسن وضع الأسرة ويرفع مستوى معيشتكم خصوصا أن الفلوس حق حلال زلال لزوجته مافيها أي تعدي أو تعب..

الأمر الأخر
المبلغ مو بسيط ماشاء الله ربي يبارك ويسكن والدك الفردوس كما وسع عليكم بحياته وبعد ممتاته..فالتنازل عنه ضعف وخسارة..لما قلتي انهم بيقطرون علينا وقت نحتاج تخيلته مية الف حرام تتنازلين عنه وكان لازم أحد يضغط عليك تستقوين يمكن طريقته غلط..بس فكري بعقلك هذا زوجك لسنوات وأنتي لاوظيفة ولا مال كان ينفق عليكم رغم ضعف ماديته هل موقف واحد يمحو كل تمسكه بعائلته رغم اني فسرت الموقف كأداة ضغط..لأنه والله قهر أخوانك يلعبون بحقك وأنتم تعيشون قرب خط الفقر شيء فعلا ينرررفز..
تذكرت لما كنت بالثانوي ومات جدي أصررر ابوي ينزل حق أمي بحسابه..كرهته وقتها بس الحين عرفت معنى طلبه أمي عاطفيه ورحوم ولو تشحذها وحدة بالشارع عادي تكتب املاكها بأسمها بس بما أن الفلوس تحتاج طلب من أبوي صارت تهاب تطلب..
أوقات الرجال يعالجون المواضيع بعقلانية بحته خصوصا مثل الموقف اللي صارلك مافيه مجال تؤجل معالجة الموقف كان لازم يتصلح وحاااالا..

اما بخصوص كتابة الاسم
طبعا معك حق
بس لازم تعذرينه لأننا مازلنا نعاني من موضوع الوصاية المتطرفة على مال المرأة..تلقين كل المجالس تحكي بهالشيء وكل الرجال بمجالسهم يستنكرون ان للمرأة حق واملاك.. تصدقين صار لي نفس موقفك بس انا متفهمة طلبه لأنه توجه مجتمعي خصوصا عند أهل القرى وتصديت للطلب بالحوار والاستشهاد بحياة الرسول صلى الله عليه وسلم وانتهت السالفة..الحين يسولف أحيانا كيف ان ابوه يعلق عليه تعليقات لاتليق لان حقي من البيت مثبت بالاسم بس هو خلاص مقتنع..
ومرة سمعت من زوجة صديقة انهم يعلقون على سيارته وكيف انها قربوعة وانا موظفة!وقتها عرفت ليه عرض علي اشتري له ويدفع لي برضو ببساطة شرحت انه لاانا ولاأنت نقدر نسدد بحكم الاقساط..
بس علشان أوريك كيف أغلب المجتمع الذكوري يشحن الزوج باستغلال كل فلس من مال الزوجة وكأنه سبيل..

الأمور المادية تحتاج حزم بس برضو ماتوصل انها تشحن النفوس وتشتت الأسر كل شيء بالحوار والتفاهم والثبات على الموقف ينحل
التطرف بردات الفعل دليل الضعف مثل موقف أخوانك..


يعني باختصار
لاتكرهين زوجك موقفه مايدل على حبه للفلوس اكثر منكم وغيره من السوالف هو منقهر على ضعفك+طمع أخوانك+تضييع فرصة رفع مستوى الأسرة

أطلعي معه
واذا فتح السيرة بكل هدوء قوليله انا خاطري نتمتع فيه حنا وعيالنا بس برضو ماراح أرضى ألا إذا حقوقي مثبتة باسمي..
ووضحي له أنك مافكرتي بشكل محدد وين بتدفعين الفلوس وأنك تفضلين تأجيل النقاش لحد أخذ الحصة..