اقتباس:
المشاركة الأصلية كتبت بواسطة متفائله200
سموره قرأت احد الأعضاء هنا بيقول مادية زوجك ضعيفه وانتي تقولي ابوه عنده خير
هل عمك وابوك الله يرحمه كانو شديدين ع اولادهم من ناحية اعطائهم المال؟
احس كأنهم مشفوحين مااعرف ودي اعرف السبب
وامك قولي لها تطلب اخوانك ينكتب البيت بإسمها وتخليه بعدين وقف بحيث ماينباع أبداً بعد وفاتها الله يخليها لكم
ابويه سوى كدا ترك العماره الي فيها اهلي وقف ماتباع
وباقي ممتلكاته قسمها علينا باقي معاه أقل من 2مليون مع قليل من الاراضي الي نزل سعرها للنصف🌚واحنا كثير جاء للبنات كل وحده 500 الف
ابغى استفيد من موضوعك قسم ابويه كثير ماباقي الا شي قليل واخواني كثير ماشاء الله يعني ان شاء الله مايحصل بينهم قطيعه عشان القليل هذا
وبعدين هل ورث ابوك فوق 15 مليون لانه والله حرام تروح في يد شباب ماعندهم خبره خاصه العقار مايدخله الا واحد ذكي ويعرف كيف يتعامل مع الكبار لانه لو المبلغ كبير ويبغو يدخلو فيه شراكه بدون خبره ضروري عمك يوقفهم ويقول قسموها الاول بينكم وبعدين الي حاب يشترك بكيفه خوفاً عليهم من قتل بعض واعرف قصه مشابهه
|
ياقلبي لا بالعكس ماكانوا مشددين ومعيشينهم احلى عيشه .... بالنسبه لزوجي وابوه ذكرت القصه بموضوعي هنا ...
زوجي وابوه صار بينهم خلاف من زماااان وقتها زوجي كان صغير بالثانوي وعمي طرده من البيت ... وهو جا جلس عندنا على مااظن سنه ... كان يدرس ويشتغل مع بابا وكان يعطي راتبه كله لابوه ... وبعدين عمي عرف انه ظلم ولده واقنعه يرجع ... ورجع البيت .. بس من يومها وهو يصرف على نفسه ومايقبل ياخذ ريال واحد من ابوه حتى لو سلف .. عمي يعطي سيارات لعياله وزوجي منهم بس ماقبلها .. واذكر يومها حصل مشاكل الله لا يعيدها ... هذي القصه باختصار ...
وزوجي الحين شغال بشركه وراتبه 4000 و 500 تروح لاهله يعني 3500 ...
حتى بابا الله يرحمه ماقصر مع اخواني ولا حتى معي انا واختي بشي ... فمادري ليه ذا كله !!
ان شاء الله حقولها بكرا ... وانا مو فاهمه كيف القسمه ولا شي ... اللي عارفته يامتفائله ان انا واختي الوحده بس بيكون نصيبها مليون ونص غير البيت ... هذا اذا ما كان اكثرر ... بس مو اقل مم هالمبلغ ... اخواني يبغوا يدخلوا بأكثر من مشروع بفتره قصيره وهذا اللي قهر زوجي واخوه لما كنت اقرا رسايلهم ...
اعتذر متفائله اذا مافدتك بشي ... اشكرك 🌹