هو حاس بهالشي يا اشراقة

عشان كذا استقلالك صاير له مصدر ازعاج بطريقة ما

لا تفكرين باي شي لين تهدين

وفعلا مثل ماقالت شوك انتي معطيته اكبر من حجمه

وعقلك مثل ماقلتي مخليه يزيدها عليك

يابنت جني شوي عبري تكلمي ازعلي كسري الدنيا!

اذا جاك مرض والللله محد بينفعك والللله!

زوجك اذا تحمل مسؤولية بمعنى الكلمة.. اقصد بيت وزوجة وعيال بشكل طبيعي والله الوضع بيتغير حتى لو شوي..

بس فعليا هالشي ماصار من تزوجتوا! هو متزوج ثنتين بس فعليا؟

عزوبي يجي ينبسط ويريح بالويكند كل مرة عند وحدة وكل شي مرتب ونظيف وجاهز

هو قال لك بينقل بس مانقل.. اسمحي لي السيئ بالموضوع واللي لايحتمل ابدا دوامه وشغله كل هالوقت واستغرب انك ساكتة لحد الحين

الموضوع حتى يستاهل انك توصلينه لاهلك

هذا اهم شي تعترضين عليه.. يعني هو اقل من ربع الوقت متواجد كزوج فما بالك لو هالربع موزع على بيتين!

وضعك بيستمر كذا لين يتقاعد؟ شدعوة!

احاول ما اكون عاطفية وانا ارد عليك.. بس الوضع من كل النواحي صعب على اي انثى

عدلي لو شي واحد هالمرة.. هذي حقوق اي انسانة طبيعية

تصرفي بهبالة مرة وحدة الله يخليك!

__________________

اختلافي عنك لا يعني اختلافي معك