اقتباس:
المشاركة الأصلية كتبت بواسطة فجر الهوى
كل سنة وأنتى طيبه 
أنا أسفه مو قصد هجوم و لا عصبية بس كنت أرد على كلامك
ماقلت أنى قوية و الى دحين ماوصلت للقوة
فهمتيني غلط
أنا لسا فينى خجل و لسا شخصيتى ما انصقلت بشكل كامل
بس مو خوافه زى ماقلتى عنى بالعكس دا احلى حاجة وصلت لها أنى تخلصت من الخوف نهائيا
زوجك مو زى احمد صح
بس لو تزوج إِيش موقفك ولو طالبك بحاجات من واجبة
زي تشاركية بالنفقه و مالك انتى نفقه و فوق دا له بيت تانى هو متكفل فيه
و كمان بينى و بين احمد تراكمات كتيرة
أنا مابغى ارجع للماضي و لزواج الغصب زى اول و النتيجة دولا الصغار
ولا أبغى اتزوج من اصله و لا أفكر بالزواج ولا القيود و لا التعب النفسي
كنت أحسبك تفهميني و احبك كمان
شكرًا لك |
معليش يافجر
امشي معاية حبه حبه
انا ابغ استفيد منك لنفسي في حاجه في داخلي
طيب انتي تقةلي ماابغ قيود وزواج هل انتي الان ارتحتي كدا ؟
يعني في عرفنا دايما اللي تتطلق ترجع لقيود ابوها او اخوها او عمها او حتى امها الين يكبر ولدها وتصير مع ولدها
السؤال :-
هل انتي الان بدون قيود ؟
اذا كان جوابك نعم ووظيفتك اغنتك فنجي للسؤال الثاني
هل تقدري عاطفيا وجسميا ونفسيا تكملي مشوار الحياة بدون رجل ؟
وبرضو اقول لك اذا كان جوابك نعم
فأنتي ماشاء الله انسانه نادره واحمدي ربك واتعبدي واتقربي لله بهذولي الأطفال
اغلب المطلقات شكوتها ياماابغ ارجع لبيت اهلي يا ابغ رجال بالحلال هذا اللي مخللي الحريم ايش اقول
هذا اللي مخللي الحريم حريم 😊