حبيبتي سمر انا عندي رأي حرة تاخدي فيه او لاء
اقترحي على زوجك انك تشتري البيت باسمك واذا ببجلس فيه و ما حدا بيعرف انو الك ابدا ان كان حجته كلام الناس
قولوا مستأجرينه وان ما رضي يجلس فيه
خليه يدفع زوجك الاجار وهيك ما بيكون قاعد ببيت حرمة على قولته
لانو مش المهم باسم مين المهم مين عم يدفع
او خبريه بما انو انكسر ضهره من الاجار يقبل يجلس فيه من دون ما يدفع ولا ريال
او خبريه انو حابة تتعاوني معه
فبيدفع هوي نصفه وانت النصف
او أجريه واستثمري ماله وساعدي زوجك بأجار البيت اللي انتوا ساكنين فيه
او استأجروا بيت اكبر وبتساهمي من اجار بيتك

لانو الحياة فيها حياة وموت
وكمان ما بتعرفي شو كاتبلك الزمن
وبالنسبة للسيارة ما حبيت يلمحلك بهدية ويذكر انها سيارة
لانو نفسه عزيزة عليه يطلب من والده بالرغم انه والده اقترح عليه مساعدته بس رفض وبالنهاية بيضل والده اقرب له منك
لانو لا سمح الله ان تزوج والله اعلم او حصل بينكن خلاف
راح تاكلي حالك على كل شي قدمتيه
فكيف بيرضى يطلب هدية ويحدد سيارة واكيد سعرها مش قليل
ممكن زوجك بدو سعادتكن بس طلبه المباشر رح يخليه يطلب اكثر
ومرات المال بيخلي الانسان يطمع من دون ما يحس

فحبيبتي ما تحسسيه ابدا انو المال هامك وخبرية انو بدك تحطي ايدك بايده وتتعاونوا عالحياة بحلوها ومرها
وصيري اهديه من دون مبالغة
لانو شايفة انو ممكن المال رح يجيب وجع راس
فاختصري عليكي الطريق من البداية

دعواتي ترافقك

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه