مبارك عليكم العشر.. أسأل الله أن يعيينا على الصيام والقيام ويتقبل منا ..ويبدل سيئاتنا حسنات ياب العالمين ..


أعتذر والله على كثرة رفعي للموضوع ..بس لأن في أمور استجدت ..وأعتذر إني استشيركم كل شوي ..لكن كما يقال لا خاب من استشار إضافة إلى إني استصعب إني أقول لأهلي عن هالأشياء أحب مايشوفون إلا الزين ..

التحديثات :

السنة الماضية زوجي خيرني في الإجازة اللي قبل العيد بين إنه يوديني لأهلي أو اكون عنده لكن أنا اخترت الجلوس معه من باب إننا تونا عرسان و(نأجز سوى ونعيد أول عيد سوى ) لكن كان طووول الوقت طالع مع أصدقائه ....ضايقني ولا أظهرت مضايقتي وقتها ..لكن بعد بفترة قلت له وصارحته إني توقعت إنك رح تكون مهتم على الأقل اسم إنه أول عيد لنا سوى ..

حاليا :
زوجي طلب يوديني لأهلي في إجازة ماقبل العيد..لأن وده يفلها مع أصدقائه ووجودي في المنزل عنده رح يمنعه من هالراحة ...يقول لو حبيتي تجلسين بكيفك لكن رح اضطر أجبر نفسي على الجلوس في البيت مجاملة لك وأنا ما أحب أغصب نفسي ..

شعوري وموقفي :
ضايق صدري طبعا , السبب إني أحب الجو الأسري السوي , يعني مفترض الإجازة تخليه يزيد عدد الساعات لنا مو تكون لأصدقائه .. وأيضا أصلا هو يجلس معهم في الأيام العادية أكثر مني ..يعني ماكنت أصلا مانعته أو معبره عن مضايقتي وقتها ..كله لأجل لما يرجع للبيت يكون مستانس ومشتاق ..

تمنيت يوم العيد نطلع سوا لصلاة العيد وأكون أول شخص يهنيه ..تمنيت أعيش هالأشياء بس الآن ماعاد أدري ..أصلا كرامتي ماتسمح لي أقوله رح أجلس عندك! لأنه فعليا رح يتركني طول الوقت لحالي ..

رجاء لا تقولون لي إني مخليته كل اهتماماتي ..أشوف إن هذي أسس في حياة أسرة ومو جالس يحترمها ولا يكلف على نفسه يتعود عليها حتى ..

وفيني صفة إني مع البعد رح أحس بالجفاء تجاهه , لأنه هو اللي طلب البعد مو أنا ..