رد: ارغب بالطلاق بسبب عدم حبي وتقبلي لزوجي
انتي مشكلتك الحقيقية مو مع زوجك
مشكلتك مع الناس
تشوفين زوجك الاقل بين ازواج اخواتك ومعارفك
وتحسين ماله هييه ولا قيمه بالمجتمع
وحاسه انه مو مقنعك كواجهة اجتماعية
يعني بالعربي ما يملى العين
وهذي نظرتك له من اخذتيه
لكن يمكن كنتي متعشمه يتغير ولا تغير
الحل اختي هنا مو الطلاق
الحل بتجاهل نظره الناس لزوجك
وفي شي مهم لازم تعرفينه
في رجال مايسوون فص ثوم
لكن زوجاتهم منفخين شانهم عند الناس
ابوفلان جاب وابوفلان فعل الخ
انتي تقدري تلعبي على هالموضوع
تقدري تعطي زوجك برستيج اجتماعي
خططي مثلا لامور واقترحي ينفذها
انه يقوم بدور المنقذ.. راعي فزعه..
تصرف شهم.. كرم وسخاء..
يعزم جماعتكم وانتي رتبي وسنعي..
اي شي يناسب مجتمعكم حفزيه يعمله
واضح ان زوجك مايرد لك طلب
وهذي ميزه
واذا عنده استعداد يكمل دراسه شجعيه..
شوفي اشياء يتعلم فيها قيمة ثناء الناس
عطيه دوافع لو حتى بالكلام
مره على مره على مره
حبي حياتك وبتزين ان شاء الله