الله يسرلك امرك اخي الكريم ويرزقك الزوجة الصالحة والذرية الصالحة التي تقر بها عينك
وما رح ارجع لبداية الموضوع لانو ماشاءالله الاعضاء كفوا ووفوا بارك الله فيهم
واللي صار صار ولا تكرهوا شيئا لعله خير لكم
بس اخي الكريم عندي نقطة حابة علق عليها
انو طيبتك وشهامتك واللي عملته ونسبت العقم الك هالشي مش اي رجال بيعمله بارك الله فيك
بس مستغربة انو في حال بقيت معك زوجتك عم تحسب الوقت والتكاليف لمعالجتها من دون محاولة او من دون ما هيي تسمع من الاطباء وتيأس من الموضوع
يعني من حقك تنجب الذرية واكيد سهلة بالزواج وهيدا ابسط حقوقك
بس كمان من حقها زوجها يحاول يعالجها ويعمل اللي بيقدر عليه وربنا بيقول اعملوا بالاسباب
بتعرف عنا في وحدة كانوا يقولوا مستحيل تنجب وبعد مرور الزمن وكبرت بالعمر بنسمع انها حملت بطفل انبوب بعد مشوار علاجات ورزقت بمولود هلئ صار بعمر المراهقة
يعني ما في شي مستحيل عند رب العالمين
والمفروض زوجتك تكون معك وقت التحاليل والصور وتسمع من الاطباء
وكتير بنسمع من اطباء بمحيطنا انو في حالات مستعصية وبنسمع ببلد آخر انو لقوا حل لهالشي المستعصي

اسأل الله ان ييسر امرك لكل خير
ويرزقك السعادة دنيا وآخرة

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه