اختي لا تخلي الجفا يزيد والفجوة بينكم تكبر...

انا متابعة مشكلتك من قبل شهر ونص...

زوجك غلطان ما اختلفنا... بس انتي بعد ماعرفتي تحليها صح..

غلط عليكي وعلى اهلك.. وانتي بعد ماقصرتي.. مو صار تعادل؟ طلعتي كل لي بقلبك وغلطتي عليه وعلى اهله.. مالك حق.. اذا هو غلط عليكي وعلى اهلك لا تكوني مثله وتعامليه بالمثل في طرق كتييييره لتاديبه..اامنى ينسى كلامك ومنظرك وانتي طالعة عن طورك وايدك دم..

انتي بدك كل شي مع بعض.. تغلطي وتصرخي وهو يهدئك و يتودد لك وكمان تطلعي من البيت؟؟

اذا بتفكري انو مو كافي والبادي أظلم..بتكوني غلطانه لان بهالاطريقة ما بتستمر الحياة الزوجية.. لازم واحد يلين اذا الثاني شد.. ماينفع تقولي المفروض يصير هيك وهيك وتتمني وتحلمي لا.. لازم تتعاملي مع لي عندك حاليا وتغيريه للافضل تدريجيا وبالللين وطولة البال...

انتي بتصبري وتسكتي وبالاخير تنفجري وبتخربي كل شي... والاسوء لما زوجك بيلين ويراضيك انتي بدك تكبر اكتر..كانو بتستمتعي كتير لما زوجك بيعتذر وبدو يتقرب ما بدك تطلعي من هاللحظة....بدك يعتذر اكتر ويقرب اكتر...بس انتي بتبعديه وبتخليه يحس اعتذارو وتقربو منك ماله قيمة عندك.. هالشي تكرر بس بهالمرلت لي انا تابعتك فيها...

بهون عليك زوجك لحالو برمضان.. لا فطور، لا سحور،، انتي بتقدري تزعلي وانتي ببيتك اقل شي حضريلو اكل ولا تكلميه ولا تعبريه...

اخاف بطريقتك هاي بتوصلي لنتائج عكسية..

انتي بدك ترجعي كان لازم تستغلي اعتذاره لك ومحاولته التودد اليك حتى تخلي كرامتك فوق.. وتكوني انتي لي صالحتيه من نفسك ولرغبته هو في الاصلاح...

اخاف زوجك يعاند هالمرة.. ويجيب اكله كله من المحلات... ويجيب وحدة تنظف البيت..ويقولك خليكي عند اهلك انا مرتاح... وتتعقد القضية ويخليكي انتي تطلبي الصلح وترجعي غصبا عن خشمك..

الا اذا ما كنتي ناوية ترجعي فهاد شي تاني....

اتمنى تقرئي ردي بتمعن وتستغلي موقف قوتك الحين قبل ما زوجك يقلب الاية وتتعقد الامور...


ارجعي بيتك عالاقل وازعلي فيه قد مابدك لا تخليه يتعود عغيابك.. ولا تقولي اهلو بيحبوكي وما يستغنو عنك... اظن ماراح ينبسطو اذءا شافو ابنهم لحالو برمصان.. حطيها حلقة باذنك.. قدما حبوكي.. عمرك متكوني بغلاوة ابنهم واخوهم.. وهالشي بتحسيه وقت الجد...

بتمنالك التوفيق.

__________________
وإني ذقت الطيبات كلها، فلم أجد أطيب من العافية..
وذقت المرارات كلها، فلم أجد أمر من الحاجة إلى الناس..
ونقلت الحديد والصخر، فلم أجد أثقل من الدَّين..