رد: عصبية زوجي بسبب تذكيري له بصلاة الجمعة
عدينا هالموقف
وجلسنا نسولف امس عادي عالسحور
واليوم جلسنا نسولف العصر
وقلت لزوجي متردده انام عند اهلي او لا
لان امي تقول مشتاقه لي
قال اذا منتي نايمه ترى بكرا عازم فلان عالفطور
قلت جانا افطر عندنا قبل امس!
قال طيب واذا يعني الرجال زوجته مسافره
والا تبيني استأذنك ذا اللي ناقص!
انا لماشفته قال كذا
قلت حبيبي ترى ذاك اليوم تعبت وجتني دوخه
عزايم الفطور متعببببه.. مره بالاسبوع معقول
عندي اطفال وصيام وضغغغغط
قال اصلا انتي ----ومافيك خير
قهرني.. قلت بروح انام عند امي احسن
قال ايه انحاشي مافيك خير
قلت خلاص عيب عليك كل يوم تغلط!!
قال روحي لاهلك وعلميهم انهم ماربوك
تركته وقمت اصلي العصر
رجعت بعدها وقلت له ما اتحمل تغلط باهلي
تغلط فيني براحتك اهلي لا
قال ---فيك وباهلك وسب ابوي
وقال لو هو عرف يربيك ماعملتي كيت وكيت
ورجع للمشكله اللي صارت قبل شهر ونص
وكنت كاتبه عنها بموضوع قبل هذا
وفوق كذا قال انتي شايفه نفسك على ايش
وجلس ينتقد شكلي وصوتي وجسمي الخ
انا هنا فقدت اعصابي وانهرت
صرخت عليه باقوى ماعندي
سبيته وقلت له مقهور لماقلت منت رجال
انت فعلا مو رجال لو رجال طلقني
وابوي يسواك ويسوى اهلك كلهم
راح وتركني
لحقته وانا اصرخ بحجم غيظي منه
كنت اناديه واقول طلقني خلاص تعبت منك
لقيته فارش سجادته بيصلي
اخذتها ورميتها بعيد وقلت الحين عرفت ربك!!!
كنت فاقده الوعي
جسمي يرجف والدمع ينزل زي النار عخدودي
ضربت الباب باقوى ماعندي
وماحسيت ان ايدي انجرحت الا والدم عالملابس
طلعت شناطي من المستودع
طلعت كل ملابسي من الدولاب
لميت كل اغراضي
وهو جالس لحاله بمجلس الرجال
بعد نص ساعه جاني يقول تعوذي من ابليس
لمسني ودفيته وانا ابكي
حاول يهديني وانا رافضه ومنهاره
جاب زمزم رشها علي وهو يقول استهدي بالله
انا والله ماكنت حاسه بنفسي
وجسمي كله كان يألمني
وصوتي انبح من الصياح والبكا
جلس يكلمني بهدوء
قلت له مو من حقك تهين اهلي
مو من حقك تهين شكلي وجسمي
ومن حقك تجرحني يوميا
مر معقول تذلني بخطأ تافه صار قبل شهرونص
واللي انا سويته اليوم بتذكره 10سنين
لاني خلاص غسلت يدي
صرخ علي خلاص فوقي هذي اخر طلقه بينا
الطلقه الثالثه الطلقه الثالثه الطلقه الثالثه
قال تبيني اترك لك البيت؟
قلت لا انا بروح اريح كم يوم ببيت اهلي
بعد الفطور رحت لاهلي
بدون ما اقول لهم شي
وهو بالطريق جلس يسولف علي
ويقول ايش رايك نسوي تجديدات بالبيت
وانا صوتي رايح وراسي مصدع
اقول ان شاء الله حلو وبس.. لحد ماوصلت اهلي
نزلت عندهم وانا تعبااااااانه وتلفااااانه
بس ماحاولت ابين لهم شي
التعديل الأخير تم بواسطة ويبقى الحنين ; 11-06-2016 الساعة 08:31 PM