رد: معاملتي لعمي ابو زوجي
صعب كثير والله مدري ليه .... الحمد لله انا مؤمنه بقضاء الله وقدره والحمدلله على كل حال
وقت السحور تجمعنا كلنا بسفره وحده .. وهو قاعد يتكلم على الصيام والكل يقول شي ورأيه بشي وانا ساكته وسألني ... " شاركينا يابنتي بالموضوع " والله حسيت بغصه ورجعت قلت له على ايش .. قال شهر فضيل واللي زعلان من أحد يتسامح و... الخ ... قلت له الحمدلله انا مو زعلانه من أحد ... قال لي أكيد محد مزعلك من اهل البيت !؟ قلت له لا بالعكس انتوا اهلي مازعلت من اي احد وكنت ونزلت دموعي غصب عني والله غصب ماقدرت من اول ماجلسنا وانا كاتمه نفسي .. رجع سالني ولدي زعلك بشي !؟ قلت له لا .. ورجع لفت على زوجي وقال له اذا زعلتها ياويلك تراهي بنت الغالي الله يرحمه... قمت من السفره ورحت الغرفه تعبت ماعرفت اتكلم معه اكثر...
اول ماقريت كلام مهره والباقي قلت اكيد سهله الفضفضة للعم بس والله صعب
لكن الحمد لله من زمان ماجلست معه الجلسه هذي مثل امس ... حسيت بنوع من الراحه ...
ملكة الإحساس ليش حكمتي على انه اكتئاب ؟
لان بنت عمي قالت لي قبل كم يوم احس فيك اكتئاب لانك مو طبيعيه وماعطيت اهتمام لكلامها !
__________________
-
فأجبر خَاطري .. بفيّض نعَمك ❤ ....