السلام عليكم ورحمة الله
اختي وحبيبتي اعذريني راح اقسى عليك شوي بكلامك لكن انا ماعرفك ولاتعرفيني مجرد رأي راح أقوله ولاتزعلين مني شخصيتك جدددددا متعبه في التعامل فيك كمية غرور فضيعه هذا اللي متعب زوجك شوفي يقولون جرح الابدان ولاجرح القلوب سبحان الله اذا انجرحتي في مكان في جسدك مع الوقت بيروح الالم ويزول تماما لكن جرح القلوب غييير وديننا الاسلامي جعل الكلمة الطيبه صدقة لتأثيرها في النفوس كلمتك لزوجك جددا قويه وإنتي مو حديثة عهد بالزواج لك كم سنة المفروض تعلمتي كيف تضبطين نفسك وأعصابك يعني لمن تقولين مو رجال وتلعنين اليوم اللي تزوجتيه فيه قويه تخيلي معاي للحظة هو اللي قالها لك انا لو قالها لي زوجي بكرة اليوم اللي أنولدت فيه من الغبنة والقهر ومن أركان الزواج القبول كل شخص موافق ع الثاني واجي اكره اليوم اللي جمعني فيه طبيعي بينقهر ويحس ان كل لحظة عاشها معاك خدعه وأنك تمثلين عليه وصح انه تعبك بالزعل شهر كامل شي يتعب ألقلب ماالومك والله لكن انتي غلطتي بكلمة جارحة وإنتي عارفه انه حقود وماينسى وجات الفرصه على طبق من ذهب لين عندك عشان يطيح الحطب لكن للأسف رفضتيها بكبريائك ونديتك له يعني تكلف وبادر وعزمك على مطعم شي حلو وماقصر وبعدها طلب منك العلاقه التصرف الصحيح لو انك استجبتي له ودلعتيه وبعدها كلميه بهدوء انت عارف غلاتك عندي وإني آموت فيك ومن ذَا الكلام لكن لحظة غضب وانت كمان ليش تجافيني شهر اهون عليك كذا بسهوله ومن ذَا الكلام صدقيني كان بيلين ويمكن هو يعتذر منك وتطلعين انتي الكسبانة وكلامك له اما مو وعاء تفريغ شهوه ماله داعي بيكرهك كذا ويكره العلاقه هذا الشي الوحيد اللي جعله الله سبحانه وتعالى بين الزوجين خاص فيهم اذا الواحد مالقي راحته عند زوجته وين بيحصلها والله سبحانه ذكر في كتابه الكريم 3- حُصول السَّكن والأنس والراحة النفسيَّة بين الزوجين؛ قال تعالى: ﴿ وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً ﴾ [الروم: 21]، وقال تعالى: ﴿ هُوَ الَّذِي خَلَقَكُمْ مِنْ نَفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا ﴾ [الأعراف: 189]، قال ابن كثير: "أي: ليألفها ويسكن بها". حبيبتي اضبطي نفسك وتثقفي وأقراي كتب تطوير الذات واذا عندك وقت فراغ اشغليه بحفظ القران مع مجموعة صالحه او طوري مواهبك لان الفراغ يولد أفكار سلبيه وكآبه وضيقه واهلك لاتدخلينهم في الموضوع لان فعلا انتي متحملة جزء كبير من المشكله تعوذي من ابليس ورمضان ع الأبواب اذكري الله واستغفري الله يجعل لك من كل ضيق فرح ومخرج وحافظي على زوجك لاتقولين انا حلوة وصغيره ومثقفه وفيني وفيني البيوت مليانه بنات واذا طفح فيه الكيل ممكن يتركك ويتزوج لأقدر الله حتى هو يتحمل نسبة كبيره من الأخطاء لكن انتي تعاملينه بنديه ونبينا محمد صلى الله عليه وسلم ذكر في احد احاديثه في مامعنى الحديث لو امرت احدا ان يسجد لاحد لأمرت المرأه ان تسجد لزوجها سبحان الله هذا من عظم حق الزوج علينا الله يسخر لك زوجك ويهدي سرك اعذريني ع الاطالهz4AfHZbJKO