اقتباس:
المشاركة الأصلية كتبت بواسطة شوك11
وش سالفة الفطور اللي اخذتي فطورك وما طلعتي له فطورة؟!
وش سالفة وظيفته الحكومية اللي تنازل عنها عشانك؟!
وليه يوم الجمعة فطوركم من برا ، وعقب الصلاة بعد؟!!
كلمينا عن كل نقطة برسالته
فيه نقاط تستحق الوقوف عندها
|
الفطور بعد الجمعة لان نسهر يوم الخميس في الليل ومانصحى الا قبل الجمعة فمايمدينا نفطر الا بعد الجمعة .. طبعا نجيب أجبان وشغلات مثل كذا من السوبر ماركت .. حطيت السفرة وفكيت فطوري وعلى اساس ان هو يفك فطوره عادي جدا مافكرت ان ممكن يزعل او تكون مؤشر لعدم الاهتمام ..
الوظيفة الحكومية اللي جاته بعد مدة .. اللي كان يروح يوم لمسافة150كيلو .. ويستلم يوم ... ويسلم يوم .. كانت متعبة له هو أكثر من اي شيء ثاني .. وبيوم جاني فرحان يقول مدير الشركة اللي كان فيها واستقال كلمه يوظفه بنفس المنطقة اللي أنا فيها وبراتب أعلى من راتبه بوظيفته الحكومية .. فقلت له استخير .. استخار ووافق واستقال من وظيفته الحكومية وداوم بالشركة هنا بنفس مدينتي .. وزاد راتبه كمان بعد سنة ألف .. وجلست وراه الين كمل ثانوي .. وتوه الاسبوع اللي فات تخرج من الثانوية
وفي واحد من اهل الخير اللي يعرفهم وعده يسدد ديونه كلها المتأخرات في البنك وديون الزواج .. قرابة 50الف ريال وعده يسددها من زكاته .. وأتوقع هذا الشي اللي خلاه يقول انتي ماقدمتي لي شيء ..