اقتباس:
المشاركة الأصلية كتبت بواسطة متفائله200
لافندر كيف تبغيها تكون صديقه معاك ممكن توضحي ؟
أنا مريت بهذي الامور من ثلاث بنات ماأعرف إيش نوع الصداقه الي يبغوها
آخرها هذا المستوى بنت تبغاني طول الوقت ع الواتس اسولف معاها من كثر ماتقول لايكون فارضه نفسي عليك ودي بصداقتك
طيب أوكي بس انا عندي في الواتس ناس كثير مو معقوله أدخل واسولف معاها هي لوحدها
مره زعلت ودقيت عليها بعرف ايش السالفه
وجاملت واعتذرت اني ماأقصد والبنت وحسيت من خلال صوتها انها خجلت لكن للاسف عاجبها اني أهتميت فيها ورجعت زعلت وطنشتها
عموماً أنا والله ماأحمل في قلبي عليها أبداً بالعكس بنت حبوبه بس لاتفسر قلة تواصلي معاها عدم إهتمام
وبعدين يالافندر لا تقعدي تطلعي سالفة عشان تتسولفي معاها انا فاهمتك انه نيتك نظيفه لاني اعرف الثلاث بنات محترمات 2 منهم متزوجات
مشكلتهم كانو يبغوني مجرد ماادخل الواتس اراسلهم مجرد مااكون متصله ويراسلوني لازم اروح دوغري ارد عليهم
مو حلوه ياقلبي اثقلي شوي لكن دقي عليها بيو فتره وفتره وحلاة الصداقه في الاجتماع أطلبي منها تتقابلو او انتي روحي لها في بيتها رح تنبسط
اما تحشريها تهتم لادق التفاصيل لك وترد وتجيب سواليف غلط ياقلبي
|
يعني تكون زي صديقاتي تسأل عني، تهتم لأمري، تسولف معي عنها عن حياتها عن اي شيء
صار لها زي كذا.
طبعاً انا مو ابيها يومياً تتواصل معي، انا اصلا مو دايم اتواصل مها بين فتره و فتره
و انا اللي ابدا اسأل و اسولف.
انا اقصد بعدم الاهتمام ان ما عمرها بدات تسأل او تسولف حتى يوم النتائج ما سألتني عن
نتيجتي و انتضرت لليوم الثاني و انا اللي سألتها عن نتيجتها بعدين سألتني عن نتيجتي!
و بعد لم خلصنا اختبار الماده سألتها كيف الاختبار كان وهي ما سألتني رغم انا معها في
الماده و غيرها كثير زي ما قلت في الموضوع.
تواصلي معها من خلال برنامج الواتس فقط، ما عمري دقيت عليها لان لسه
احس صعبه علاقتي بها لسه في البدايات.
وهي تخرجت خلاص و هي من منطقه بعيده تجي بنقل خاص،يعني صعب ازورها.