رد: ارغب بالزواج من اخرى بسبب مرض زوجتي النفس
اقتباس:
المشاركة الأصلية كتبت بواسطة شبيه الريح 39
Nasscentكلامك صحيح العاطفه ماتنفع في الموضوع اهلها زوجوها وما رحموا حالتها والمرض موعيب بس ياناس جاني نفور منها ماعاد ابغاها
|
ياخوي الله يصلحك
لاتتاثر ببعض الكلمات
الحين هي عند اهلها وعلى وشك الولاده انتظر اللين تقوم بالسلامه
بعدها يصير خير
اعتبر نفسك الحين ماتزوجت مو كل ساعه تتذكر السالفه
والمرض صدقني محد يسلم منه
بل حياتنا ومماتنا بيد رب العالمين مانقدر نتحكم بحالنا او بصحتنا
ياما ناس بيوم وليله صار معاق لانه صار عليه حادث
وياما ناس ارتاع من شيء وصارت حالته النفسيه سيئه
محد ضامن روحه كلها بامر الله وقدره
خليك عاقل وتعوذمن الشيطان
واذا ربي كاتب لك الزواج راح تتزوج غصب على الكل
بس انت انتظر علشان تضع النقاط على الحروف امــا الامساك او التسريح
ولاتنسى اطفالك
اذا حالتها ماتحسنت كلش بعد انتهاء نفاسها من الولاده
وبعد استشارت الطبيب وحالتها زادت سوء ذاك الوقت تقدر تتزوج
الحين اشغل نفسك بعمل معين واجمع فلوسك
لان راح يكون عندك مصاريف كثيره
ايضا الحين احنا مقبلين على رمضان الله يبلغنا جميعا
ادعي ربك ان يشفيها ويكتب لك الخيره المباركه اين ماكانت
اجتهد في رمضان بالدعاء لها ولك ولحياتك واللي كاتبه ربي بيصير
وكل الناس ترى مبتلين ياخوي
محد سلم من المصائب اللي مريض واللي عنده ابناء معاقين
واللي اصلا ماعنده ابناء لانه عقيم واللي خانها زوجها بعد سنوات واللي فقد اهله
واللي واللي
الله يكفينا ساعة الشر بس
الدنيا كلها ابتلاء للمسلم
لاتياس وكل امرك الى الله
ـ
التعديل الأخير تم بواسطة لِثام الصمت ; 29-05-2016 الساعة 02:29 PM