اخوي اسأل الله العلي القدير انه يربط على قلبك ويعينك ويفرج همك
انا والله اني حاس فيك اخوي وادري وش تفكر فيه وادري انك راحمها وراحم اولادك وهذا طبيعي
الواحد لو عاشر تكرمون ----فتره وفقده يزعل عليه ويحزن عليه فما بالك بـ انسان بدا معه حياته وعاشوا على الحلوه والمره وعاشوا حياتهم بكل تفاصيلها
وخصوصاً باللي تزوج بدري مثلك فتح عيونه بالدنيا وقدامه هالانسانه وكبروا سوى يعني صعب عليك العشره

لكن يااخوي ساعات الواحد يتخلص جزء من جسمه اذا عفنت عشان يلحق الباقي وماينتشر المرض والخيانه هذه مثل العفن لازم الواحد يتخلص منه ولكن عشان اكون دقيق معك لازم اول شي تتأكد وين وصلت علاقتهم واقول تأكد بنفسك باي طريقه واذا تأكدت ان الموضوع ماتعدى المكالمات وانت عندك استعداد على النسيان وبشرط التوبه فـ لاتطلقها وحاول اصلاحها ولكن لازم من التأديب عشان ماترجع
والتأديب يكون انك تتركها فتره عند اهلها والله يعينك تصبر ولكن هذا ضروري عشان تعرف ان الموضوع مو سهل ولا يمكن يعدي بسهوله

اما عن موضوع التعليم اخوي هذا ابدا مو مبرر فـ بعض الناس امي لا يقراء ولايكتب حتى اسمه ومع هذا تحصله افضل من كثير من المتعلمين