المشاركة الأصلية كتبت بواسطة سموره ☆

شكرا لكم ...

مو كبر يا اخي بس لانه نبهني اذا جيت اعتذر مارح يقبل عشان كذا كنت مستثقله بيقول هذي ماعندها كرامه انا قايل لها لا تجي تعتذر وجات ؟؟ هذا اللي احسه انا ورغم هذا
اعتذرت له بس مو راضي يرضى ويقول اعتذارك مو من قلبك !! ... وهذي مو طريقة اعتذار لأنك اللي سويتيه شي كبير .... كان ودي اقوله ليه انا وش سويت بس حسيت انه بيقول اني مستصغره حجم اخطائي ... قلت له طيب علمني كيف اعتذر طبعا كنت اقولها بمزحه ... قال مابغى اعتذار ولا ابغى اتكلم معاك حالك حال قطعة الاثاث بس انتي اقدم من الاثاث ... حاولت امسك اعصابي وماهتم لكلامه لاني حسيت انه يبغى يخليني اعصب ... قلت له بس انا شايفه نفسي جديده وحاولت امزح واضحك معاه وكان يسوي نفسه مشغول بالجوال وكل شوي يتصل على اصحابه او على خواته او اي احد يبغى يقطع كلامي واذا خلص من مكالمته يقول ايه كملي وش تبين تقولين ... وانا اخذ نفس واتعوذ من ابليس واكمل واقول بنفسي هذا اختبار لي ولازم انجح وماعصب ولا انكد ... وبالاخير يقول خلصتي يلا طفي اللمبه بنام وطردني من الغرفه وقال روحي نامي عند بنتك ... حسيت بالاهانه طلعت من الغرفه قفلت الباب بقوه ودخلت غرفة بنتي وقفلتها بأقوى من القهر اللي فيني وجاتني رساله منه فتحتها شفت مكتوب كسر في ايدك ...مارديت عليه جلست نص ساعه بعد ماهديت ارسلت له رساله اعتذار واني احبه وكلام كثير ... قال ايه يبين وامتناعك مني هذا دليل قوي على حبك لي .. قلت له ان عندي عذر شرعي ... ومن بعدها ولا رد صحيت الصباح قبله وجهزت الفطور وجلست معاه افطر ونفس الحاله هدوء وملل وطلع للدوام .. ارسلت له بعدك زعلان مني ... قال على ايش ؟ ... قلت له على كل شي ... وبرضو ما رد علي ...

هل هذا يكفي اللي سويته احس اني سويت شي فوق طاقتي مو متعوده على هذا الشي ..
ابي نصايحكم لي لا عدمناكم