اقتباس:
المشاركة الأصلية كتبت بواسطة محمد-369
السلام عليكم
انا اشكركم على هذا المنتدى الرائع
انا رجل متزوج لي 3 سنوات مع زوجتي بدون اطفال حنا متفقين على هالشي
راح ادخل مباشرة في مشكلتي وهي نظرات زوجتي للرجال تزعجني بصراحة بشكل غير طبيعي يعني مثلا اذا رحنا السوق او مثلا اي مكان .. هي تقولي انه وين اودي عيوني والناس عن يميني وعن شمالي شسوي ؟ وبصراحة هي تكذب يعني اقرب اقرب مثال اعطيكم هو اللي هو لما سافرنا بالخارج ورحنا انا وهي تغدينا بمطعم وجا الويتر وكنا نطلب طول هالوقت متنحه في الرجال وبعدين طلبت شي كاون ودها فيه ولما قلت لها ايش فيك متنحه فيه طول الوقت ؟ قال انتظر محادثتكم تنتهي عشان اقول اللي عندي .... ايش رايكم بالله ؟
وكثير من الموقف ولكن هذا اقرب واحد لاننا مسافرين قريب لبلجيكا
شالحل معاها ؟ كثير تكلمنا بهالموضوع ! معقول انا ابالغ !! مستحيل لان لو ماكانت تسوي شي غلط كان ماانتبهت لها
الاوضاع متوتره بيني وبينها وودي بطلاقها بصراحه
وفيه عند زوجتي مشكله ثانيه عندها كمية غرور مو طبيعية !! بشكلها او نفسها او شخصيتها وانا صراحة مادري شسوي معاها
|
السلام عليكم
هذي كانت مشكلتي اذا فيه احد كان ناسي
ي اخواني واخواتي كثير منكم قالي خللي الشك على جنب وانا ماشكيت فيها ولكن اي رجل راح يضايق من نظرات زوجته !
وكثير منكم قاللي انه انا هدفي الطلاق ومالقيت الا هالشي التافه وانا اشوفه انه ابدا مو تافه لكن مارح اجي هنا واطرح مشكلتي من الاساس
ثالثا كثير قاللي يمكن هي متعوده على هالشي وماقصدها ابدا اي شي ثاني لكن المشكلة اني نصحتها كثير و قلت لها بالعبارة الصريحة ( نظراتك تنرفزني )
تناقشت انا وهي ... صرحت لها .. عاقبتها ... حرمتها .... واخر شي قلت لها اني بطلقها اذا ماتعدلت والوضع مثل ماهو تتعدل شويات وبعدين ترجع مثل ماهي
وانا رديت من بلجيكا كنا مسافرين فترة لها ونفس تصرفاتها
اما الشخص اللي يقول تزوج عليها والله وانا اخوك انا احب وافضل اني اعيش مع وحده
ابي اعيش حياتي مع وحده وماودي بوجع الراس والشاكل
هي مااقولك انها ( تبصبص ) او تتعمد او تسترق النظرات او انها تشوفني لاهي وطالع
لا لا ولكن هي تسوي scan على المكان والاشخاص ولكن نظراتها تزعجني لربما هي متعوده مادري ايش وضعها ولكن ماهو شي مستحيل اذا ماتغيرت وعدلت نفسها ماهو شي صعب
اتمنى محد يفهم كلامي الاخير غلط ويقول انت مكبرها ومادري ايش
انا لما اتكلم احب انصف في كلامي
اذا في احد عنده اي حلول اخرى ممكن ينورني او يفيدني فيها يتفضل مشكور يقولي
وشكرا لكم