اسمحوا لي أبكتب شوي ، بعدين أرد عليكم

كل مرة أستخير أخلي المحامي يبدأ وشي يردني !
أقول بنفسي خير يا شوك " لعلها خيره"
لكن أشوف مضايقاته لي ، وأنقهر على نفسي وأموت
كلم السايق اللي يوديني شغلي ما عاد يوديني! كنوع من الإرهاب والتضييق
وجا الصبح البيت يتوقع إني ما داومت وما لقيت حد يوصلني
لكن انصدم إني بالدوام
هدد وأزبد وأرعد وماحد رد عليه ولا عبره
الظهر صادف جيته للباب وصول المطعم وأخذ من بنتي مفتاح الباب وقال قولي لماما مارح أرجعه لغاية ما تطلع أكلمها!!
هددته بالشرطة واتصلت عليهم ورجع المفتاح
دخل وأنا نايمه جنب ولدي ومهدود حيلي من الدوام وبدأ بهذرته المعتادة من 9 سنوات
وقام يقدم اللعذار الواهيه انه سوى عمليه وسافر لاهله وما قدر يجيب ذهبي والمصروف
كرر نفس السؤال وش تبين
والجواب ذهبي ومصروف عيالك
كم تبين
شوف أنت؟!
طبعاً يببني اقترح مبلغ عشان يقول لا
بس حفظته عن ظهر قلب في اللف والمراوغه والدوران!
حلفني بعيالي!!! منو اللي مغيرني عليه
وإنه آخر مرة كنا متفاهمين!! وكلام ما أدري من وين جابه
ما أبيك ، ما أبيك
انتهى النقاش بحركة مستفزة منه وهرب زي ال..... الخواف!!
أقسم بالله ماحد أكرهه في هالحياة كثره
وماحد أمرضني واتعبني كثره وماحد أتمنى رب يتسلط عليه كثره!!!

تعبت منه
وحتى من مشاعري تجاهه!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.