اوكي

اول شي ابدي فيه نفسك ياكنافة.. لانها مو الانثى الوحيدة على وجه الارض

قد تهزه اي وحدة ثانية عندها اقل القليل لان الخلل الاساسي قد لايكون فيها هي

في اشياء موجودة فيك مليون بالمية انتي مو واعية لها

اكيد انتي مو اقل انوثة منها

وابصم بالعشرة وانا ماشفتك انك احلى منها مليون مرة

بس زوجك مو شايفه! اما انه حاط هالامور بقالب معين يعجبه ولا له شكل ثاني

او انك ماتعرفين تبرزين اللي عندك! اشتغلي على هالجوانب

والله يرضى عليك انسي الكرامة

لان كل كلامك الحين وقبل كذا لايمت للكرامة بصلة

بل هو كبرياء زايد

والله انتي من اكثر بنات المنتدى اللي انقهر عليهم جد جد

انا شمالية مثلك لذلك افهمك جدا.. عشان كذا بحاول اوصل لك كم نقطة عايمة من اللي يحضروني

وقت زعلك لا تتكلمين بقوة وبهجومية وكانك تتحدينه

لما يعصبونك عيالك حاااولي قد ماتقدرين ماتمدين لسانك عليهم.. عودي نفسك عالهدوء

ولاحظتي شي؟ هي ماحطت اغلى انواع المكياج ولا لبست احسن لبس ولا راحت احسن صالون ولا احتاجت كل هذا عشان تسرق نظرة

الموضوع اكبر من كشخة وتزين.. هو شي انتي لازم تحسين فيه من جوا

ولو ماحسيتيه انتي وصدقتي نفسك محد بيصدقك!

انتي حتى تقولين لنا وبطريقة غير مباشرة ان مافيك انوثة ونظرتك لنفسك فيها تقليل وتوصلين صورة اقل بكثير مما انتي عليه!

مع اني واثقة انك افضل من كذا.. لكن مشكلة كبيييرة اذا كنتي توصلين لزوجك هالافكار وانتي مو قاصدة..

لانها تعطي صورة مشوهة حتى لو الواقع اجمل.. انا احاول افهمك واعتقد ان جزء من الصورة وصلني

صححيني لو كنت غلطانة.. ولي رجعة

__________________

اختلافي عنك لا يعني اختلافي معك