المشاركة الأصلية كتبت بواسطة mimomea

الزواج بدون نظرة شرعية ان كان للفتاة او للشاب ظلم كبير و حرمانهن من ابسط حقوقهن

من وجهة نظري المفروض بعد النظرة الشرعية الاهل يتفقوا انو الخاطب يزور الفتاة ببيتها والباب مفتوح ويتركوهن يتحدثوا مع بعض ويتعرفوا على بعض قبل كتابة اي عقد لفترة مقبولة
لانو ان اتفقوا واقتنعوا ببعض بيتم النصيب وان لا كل واحد بطريقه ومن دون اي ضرر ولا مخالفة الشرع

اهم شي الارتياح والانجذاب والتوافق الفكري
وعندها وحده الشاب والفتاة مسؤولين عن نجاح علاقتهن من فشلها
لانو كل ما كانت الصراحة موجودة كل ما اتعرف الشخص عالتاني اكثر وكل ما كان الكلام مزيف كل ما جعل العلاقة ولو بعد الزواج فاشلة او مليئة بالمشاكل

مع اني من بلد مختلط بس طريقة تعارفي على زوجي كانت اول شي عن طريق الهاتف بمعرفة الاهل كونه كان مسافر اتحدثنا عن طباعنا واول ما خبرته اني عصبية وبحب كذا وكذا وما بحب كذا وكذا وهو نفس الشي خبرني انو بيكره صوت المرأة العالي وخبرني انه بيغار بعد شهرين من التعارف مع اني ما بحب هالصفة
وخبرني بعض من شخصيته وصفاته واختلفنا واتصالحنا وناقشنا وحلينا بعض الاختلاف قبل الزواج


حكينا بامور كتير واخدنا فكرة عن بعض مع الاعجاب والارتياح لبعض

ولو انو في تصرفات ما بتظهر الا بعد الزواج حتى ممكن تصرفات تظهر بعد سنوات ولكن جزء كبير من الشخصية بيكون معروف




شكرا اخي الكريم عالطرح القيم

احترامي