رد: هل تؤيدوا التواصل بين الخطيبين قبل العقد
اقتباس:
المشاركة الأصلية كتبت بواسطة ام يوسف وسما
اؤيد وبقوة كمان والافضل برأيي يكون تواصل هاتفي
وهذا المعمول به في عائلتي ولله الحمد
يتواصلو لفتره يحددها الاهل وعلى علمهم واذا تم
الارتياح والقبول يكملو ،، ماتفاهمو ،، كل واحد من طريق
بدون ماتنحسب عالبنت خطبه او عقد
العيوب الكبيره تستنبط،، والصراحه لازم تكون
سيدة الموقف،، وشطارة البنت بالحوار والوصول للنقط
والاسئله الي تبيها راح تفرق كثير
بصراحه ضد الي تقول الملكه او التواصل مايبين العيوب
او زوجات عاشرو ازواجهم وماعرفو بلاويهم الا بعد سنين
مع احترامي الشديد للغاليه مبتعثه🌹
البنت المركزه باذن الله راح تفهم عيوبه البارزه
وتشوف علامات
لكن للاسف في بنات يتغاضو على امل انه يتغير
او انه انا بغيره ،، او تدور له الف سبب وسبب بس عشان
تتزوج
واذا تم التواصل ومابانت عيوب الشريك
وبانت بعد الزواج،، خلاص الله يعينها
بس عالاقل ماراح تندم او تلوم نفسها ليش
ماتواصلت معاه خاصه اذا اهلها سامحين
وتقول ياليت ولو
اختي السائله،، سيبي المجتمع على جنب
سؤالك ماراح يفيدك فيه الا اهلك
اذا هم موافقين عالمبدأ استغلي الفرصه
واذا هم رافضين فا ارائنا زي عدمها 😔
فما بيدك الا تسمعي لهم
الله يوفقك بالزوج الصالح
|
اهلا اختي
جزاك الله خير رأيك سديد
صحيح المفروض ولابد يكون فيه تواصل
وهذا اللي انا اقصده
يعني مو معقوله بس نظره شرعيه وجلسه مرتين ويالله تعالوا نعقد
وبعدها تطلع فضايحه
طيب من حق البنت تعرف تفكيره ونوعيه نمط عقله
طريقته ....الخ
وهالشيء هذا مايجي الا بالمحادثات لــ مدة اسبوعين مثلاً
مو مهم المجتمع اهم شيء الاهل
انا هنا طرحت الفكره كــ فكره
للامانه لم اخطب بعد ,, دعواتك لي
ـ