اكتر شي يزيد الحب تقدير ومدح كل التصرفات الإيجابية للطرف الآخر والاعتراف بأفضاله وتقدير الجهد المبذول مثلا لو الشريك عمل تصرف بسيط جدا مثلا صب الماء لي نقبل الجبين والله لا يحرمنا منك لو زوجتك اتزينت قلها ذوقك مرة راقي وكل يوم بأشوف عليك لبس أحلى من الثاني ثانيا إحسان الظن واعطاء الثقة وتعذره عند الخطأ مثلا لو الزوجة طلبت شي من زوجها وما جابه تقول انا كتير مقدرة جهدك وتعبك في العمل عشان توفر لنا حياة كريمة أكيد اليوم كنت كتير مشغول وتعبان عشان كده ما جبت الشي الي طلبته ولا أنا عارفة انك مستحيل تقصر معانا لأنك عادة تجيب الي نطلبه بأسرع وقت وتضغط على نفسك عشان توفر الي نبيه الله يخليك لينا كده حتى لو الزوج ما كان ناوي يجيب الي طلبته زوجته حيخجل والعتاب لازم يكون بأسلوب حلو عشان يتقبله الشريك مثلا لو الزوجة غلطت على زوجها بالكلام يستناها لما تهدأ وبعدها يقولها انا متأكد انك ماتقصدي الي قلتيه لأني عارف انك راقية وأخلاقك عالية جدا ومتربية أحسن تربية ولو عادتها يقولها أنا ما اتوقعت ابدا من حبيبتي وأغلى انسانة عندي انها تجرحني كده هي حتخجل وما تعيدها ثالثا الهدايا المستمرة مهما كانت بسيطة فلها أثر كبير في النفس رابعا الإحسان إلى من يحبه الشريك (والديه وأقاربه...) .