ياأخي الناقص أخو الزايد

شي حلو إنك تتواصل مع زوجتك لكن بالساعات! أشوفها كثير
لاتنسى البنت مو عايشه معك وممكن فيه شي يأثر عليها
إما كلام أقاربها أو أصديقاتها
إما شايله هم الزواج وتعبت في التجهيز ولازم تجاملك وتتواصل معك وبالساعات
إحنا مانقدر نحكم عليها لأننا ماسمعنا منها

هل زواجكم كان تقليدي؟ تقربلك أو بنت جيرانكم أو أحد معارفكم؟!
أو مافيه سابق معرفه نهائي؟
و زواجكم كم باقي عليه؟
لما تكلمها وش المواضيع اللي تحكون فيها؟

أتمنى أتمنى أتمنى ماتكون من الشباب اللي من البداية يفرض نفسه
ويفرض على شريكة حياته إنها تقوله كلام حلو وتعيشه برومنسية
البنت تاخذ وقت عشان تحب الشخص لازم تتعرف عليه لازم يجذبها
يثير إعجابها ويحببها فيه وحده وحده
أغلب اللي يملكون للأسف يكون تفكيرهم لازم البنت تحبني وتسمعني كلام رومنسي
وتغرقني هدايا واحضان وقبلات!
لاء مو كذا .. لازم تتعرف عليها تعرف هواياتها إهتماماتها تفكيرها وش تحب وش تكره
لازم تكون هيّن ليّن سلس في تعاملك معها ماتفرض عليها شي أو تعطيها أوامر من البداية

كون صديق في البداية أكثر من كونك زوج عشان تكسبها وتكسب قلبها
لاتستعجل بالطلاق ، لاتتواصل معها نهائي وخلّها براحتها وإذا أرسلت لك قولها أنا مجروح من كلامك وأنا عندي كرامه ماراح أفرض نفسي على أحد مايبيني وإذا باقي مُصره ع الطلاق راح أطلق إن كان هالشي يسعدك بس أتمنى تاخذين وقت بالتفكير وماتستعجلين بالقرار وتحسبينها صح والطلاق بيأثر عليك كثر مايأثر علي وأنا شاريك بس لو ماتبيني ماراح أجبرك على شي ، خلّك جنتل وثقيل ورزين وبتشوف كيف تتغير معك

والله يوفقك