شوفي ياعمري اذا انتي متاكده انه رجال يخاف الله ومسؤول و انك بتقدرين تتاقلمين بعيد عن اهلك .. فتوكلي

انا من قبل سنه كانت فكرة اني اتزوج من واحد برا الرياض مستحيله ومرفوضه انا تعلقي باهلي قووووي تقدرين تقولين مرضي ..
مادري ايش صار وتملكة لواحد بالطايف كيف شلون مدري .. ما استوعبت الا بعد الملكه والحمدلله رب العالمين .. نصيب ياحبيبتي والف الحمدلله عليه
وانا و 3 من صديقاتي مع بعض مررره وكلنا بعدنا عن اهلنا وكل وحده بمنطقه غير اللي بالشمال واللي بالجنوب واللي بالشرق واللي بالغرب و الاخيره بتروح للكويت الله يتمم لها على خير

خوفك طبيعي انا كنت ابكي ابكككي وكنت ابي اهون .. لكن الحمدلله اني ما هونت ههههههه
بالاول والاخير هو زوجك يحببك ببعدك او يكرهك فيه صحيح محد له غناة عن اهله والله لايحرمنا منهم ..
بس اذا تزوجتي انتي مجبوره بزوجك وبتأسسين بينك وعائلتك .. انا مالي الا 5 شهور متزوجه ومابعد تعودت اذا جيت لاهلي استصعب الرجعه واذا جيت اترك زوجي استصعب اطول المده واخليه لحاله
بس جيتي لهلي غير لها طعم 😎 يفرحون فيني

ووحده من صديقاتي تقطع اجازتها وترجع بيتها تصير خلاص ماترتاح الا ببيتها
ماشاءالله
وماشاءالله وحده اهلها يدقون عليها تقول مابي اجيكم الحين ههههه
ووحده صح تعبت و و و بس لما جابت بنت بدت تلهى عن وحدتها
و الزياره الطيارات والتلفونات وماعاد فيه بعد .. بس اهم شي تتفقون قبل الزواج انك تزورينهم كل شهر .. انا اتفقت مع زوجي كل شهرين اروح لهم بس مع الظروف قعدت 4 شهور ماشفتهم
صح يجيني ملل و اشتاق وابكي ابيهم.. بس لازم اعود نفسي دام اني وافقت لازم اتعود
والحين انا عند اهلي وبكره برجع لزوجي باذن الله
الله يسخر لي اياه ويسعدنا
وعلى فكره الرجال يعرف لرجال .. واسالو عنه زززين
والله يكتب لك اللي فيه الخير وان كان فيه خير يقدمه وان كان فيه شر يبعده
الله يسعدك ويوفقك يارب

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..