عزيزتي بقايا انتظار الله يقدملك اللي فيه الخير


بما انو زوجته معها خبر ومن سنتين ومتقبلة الموضوع
بشوف تستخيروا اذا احد من اخوانك بيحكي معو انو حكيتوه هيك لانو اتفاجأتوا من الموضوع وخاصة انو ما بيعرفك ولا بتعرفيه
والاهم انو يكون في نظرة شرعية ليصير في قبول وارتياح من الطرفين

لانو مرات بيكون الشخص مواصفاته كتير حلوة والكل بيتمناها بس ما بيصير في ارتياح ليكون شريك الحياة

ويقلو عم احكيك من صديق لصديق مش اخ للفتاة اللي عم تتقدملها

لانو بهمني علاقتنا تبقى قوية وما يصير في احراج بالموضوع
يعني يصير في نظرة شرعية واذا صار عندك قبول وارتياح واختي نفس الشي ساعتها الاتكال على رب العالمين

وان ما صار في ارتياح سواء منك او من اختي اعتبر كأنك ما فتحت الموضوع وبتضل علاقتنا اقوى من قبل

ويشرحله انو الصراحة بهيك امور افضل ما يروح الشخص بالخجل وبعدين يصير في مشاكل وممكن تأدي لانفصال
لانو هيدا زواج وعشرة عمر فمهم يكون في قبول من الطرفين


وبعتقد هيك بيتفهم سبب الرفض بهالسرعة وبنفس الوقت ان صار في نصيب او لا بتضل العلاقة بيناتهن قوية
وخاصة انك ذكرتي اختي انو لو شفتيه بالشارع ما رح تعرفيه
فممكن بس تشوفيه تتقبليه كزوج وممكن لا وهو نفس الشي
فالافضل ينحكى على اساس النظرة الشرعية


اسأل الله ان يرزقك الزوج الصالح والسعادة دنيا وآخرة

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه